கஷ்டங்களை எதிர் கொள்ளும்போது, சில மனிதர்கள்,இறைவன் அவர்களை தண்டிக்கிறார் என நினைக்கிறார்கள். அவ்வாறு நினைப்பது தவறு. இறைவன் எவரையும் தண்டிப்பதில்லை. தண்டனை தருபவன் ஆள்பவர் தானே அன்றி, ஆண்டவன் இல்லை. அன்பே இறைவன்; அவன் அளிப்பது அன்பு மட்டுமே. நீங்கள் அனுபவிக்கும் தண்டனை, உங்களது சொந்த செயல்களின் விளைவே. இறைவன் உங்களை தண்டிப்பதும் இல்லை காப்பதும் இல்லை. நீங்கள் உங்களது சொந்த பாவங்களால் தண்டிக்கப் படுகிறீர்கள்; உங்களது சொந்த நற்செயல்களால் காக்கப் படுகிறீர்கள். நீங்கள் விளக்கைப் பொய்க் கணக்கு எழுதப் பயன்படுத்தலாம் அல்லது ஸ்ரீமத் ராமாயணத்தைப் படிக்கப் பயன்படுத்தலாம். ஆனால் விளக்கு, நீங்கள் என்ன செய்கிறீர்களோ , அதனால் பாதிக்கப் படுவதில்லை. அதைப் போலவே, இறைவன் நிரந்தர சாக்ஷிபூதமானவன். அவன், உங்களது, நல்ல அல்லது கெட்ட செயல்களால் பாதிக்கப் படாத விளக்கைப் போன்றவன். விருப்பமானவையோ அல்லது விரும்பத் தகாதவையோ, உங்களது செயல்களின் விளைவுகளை, நீங்கள் எதிர் கொண்டே ஆக வேண்டும். எனவே, தீய செயல்களில் ஈடுபடாதீர்கள். எப்போதும், நல்லவற்றையே செய்யுங்கள், நல்லவராக இருங்கள், நல்லவற்றையே காணுங்கள். அதுவே இறைவனை அடையும் வழி. ‘’ நான் முயற்சி செய்து பார்க்கிறேன் ‘’ என்று கூறாதீர்கள். நீங்கள் செய்தே ஆக வேண்டும்.