உலகியலான அனைத்து செயல்பாடுகளிலும், மரியாதை அல்லது நன்னடத்தை நியதிகளை அவமதிக்காமல் இருப்பதில் கவனமாக இருங்கள்; உங்களது அந்தராத்மாவின் தூண்டுதல்களுக்கு எதிராக நடந்து கொள்ளாதீர்கள்; எல்லாக் காலங்களிலும், மனச்சாட்சியின் சரியான ஆணைகளை மதிக்கத் தயாராக இருங்கள்; உங்களது ஒவ்வொரு கால் அடிகளும், வேறு எவருடைய வழியிலும் குறுக்கிடாதவாறு இருப்பதில் கவனமாக இருங்கள்; இந்த அனைத்து பளபளக்கும் பலவிதமானவற்றின் பின் இருக்கும் சத்தியத்தை கண்டு பிடிக்க எப்போதும் விழிப்புடன் இருங்கள். இதுவே உங்கள் கடமை, இதுவே உங்கள் தர்மம். அனைத்தும் பரப்ரம்மமே ( ஸர்வம் கல்விதம் ப்ரம்மா) என்று உங்களை ஏற்றுக் கொள்ள வைக்கும், கொழுந்து விட்டு எரியும் ஞான ஜோதி, உங்களது அஹங்காரம் மற்றும் உலகியலான பற்றுதல்களின் அனைத்து சுவடுகளையும், சுட்டுச் சாம்பலாக்கி விடும். எவர் ஒருவர், தனது அஹங்காரத்தை அடக்கி, சுயநலமான ஆசைகளை வென்று, மிருகத்தனமான உணர்ச்சிகளையும், உந்துதல்களையும் அழித்து, உடலே தான் எனக்கருதும் இயற்கையான இயல்பை விட்டு விடுகிறாரோ, அவர் நிச்சயமாக தர்மத்தின் பாதையில் இருப்பார்; அலைகள் கடலில் கலப்பதைப் போல, ஆத்மா, பரமாத்மாவுடன் சங்கமம் ஆவதே , தர்மத்தின் குறிக்கோள் என்பதை அவர்கள் அறிவார்கள் !