தானமாக இது வரை ஒரு போதும் செலவு செய்யாத சிலர், பில்லி சூனியம் போன்றவற்றை விரட்டுவதற்கு, புனித சடங்குகள்,வழிபாடுகள் மற்றும் கிரகங்களுக்கு சாந்தி போன்றவற்றில் அபரிமிதமாக செலவு செய்ய முனைகிறார்கள். அது வரை நல்லதே. அதிகமாகத் தேவைப்படுவர்களுக்கு, ஒருவரிடமிருந்து மற்றொருவருக்கு கொஞ்சம் பணம் செல்லட்டும். பணம், புழக்கத்தில் இருக்க வேண்டும். பயத்தினாலாவது, தான உணர்வு வளரட்டும். ஆனால், பேரிடர்,ஆபத்து அல்லது இறப்பை எல்லாக் காலங்களிலும் தவிர்க்க முடியாது; அவை வாழ்க்கையின் தவிர்க்க முடியாத அம்சங்கள் ஆகும் ; அவற்றுடன் தைரியமாக வாழ நீங்கள் கற்றுக் கொள்ள வேண்டும். இதை, இடையறாத பிரார்த்தனையால் மட்டுமே பெற முடியுமே அன்றி, திடீரென ஏற்படும் பயத்தினால் உந்தப்படும் பிரார்த்தனைகளால் அல்ல. உங்களது இதயங்கள் மற்றும் சிந்தனைகள், உணர்ச்சிகள், உணர்வுகள் மற்றும் பேச்சினைப் பரிசுத்தப் படுத்திக் கொள்ளுங்கள்; உங்களது உயர்ந்த உந்துதல்களை வலுவாக்கிக் கொள்ளுங்கள். பின்னர், எந்தப் பதட்டமும், உங்களை நிலைகுலையச் செய்ய முடியாது; எதுவும் உங்களது ஸ்திரத்தன்மை மற்றும் பிராசாந்தியை அசைக்க முடியாது. உங்களது பிரார்த்தனைகள் கேட்கப்பட்டு, அதற்கான விடைகளும் கிடைக்கும்; இறைவனுக்கு பெரியோர், சிறியோர், உயர்ந்தவர், தாழ்ந்தவர் என்ற பாகுபாடு எல்லாம் கிடையாது.