உலகியலான மனித குல உறவுகளை, இறைவனுக்குச் சூட்ட முயல்வது அறிவீனமே. மனித குல நினைவுப் புதர்கள் மற்றும் மனித குடும்பம் மற்றும் சமுதாயத்தின் தாற்காலிகத் தன்மை ஆகியவற்றின் கண்ணோட்டத்தில், கால தேசங்களுக்கு அப்பாற்பட்டு, ஆதிக்கும் முன்பும், அந்தத்திற்கு பின்னும் விளங்கும் இறைவனை வர்ணிக்க இயலாது. இப்படிப் பட்ட வர்ணனைகள், இறைவன் எனும் மகிமையை அனுபவித்தவர்களுக்கு எந்தத் தாக்கத்தையும் ஏற்படுத்தாது. உங்களது கற்பனைக்கு ஏற்றவாறு, இறைவனை நவீனமானவனாக ஆக்காதீர்கள். அவன் புராதனமானவனும் அல்ல, நவீனமானவனும் அல்ல. அவனது முகமோ அல்லது மகிமையோ ஒரு போதும் மாறுவதில்லை. வேண்டும் என்றால், இன்று, அவனை மற்றவர்கள் புரிந்து கொள்வதற்காக, நவீன முறையில், நவீன பாணியில் அறிமுகப் படுத்துங்கள். ஒரு குழந்தை ஒரு மாத்திரையை விழுங்குவதற்குத் தயங்கினால், அதை ஒரு வாழைப் பழத்தில் வைத்து, அதை அவனுக்குக் கொடுங்கள்; அவன் அந்தப் பழம் , மாத்திரை என்ற இரண்டையும் விழுங்கி விடுவான். குழந்தையின், சுவை மற்றும் விருப்பங்களுக்கு ஏற்ப மாத்திரையை மாற்றி விடாதீர்கள்; ஏனெனில் பின்னர், வியாதியை குணப்படுத்த முடியாது.