மனிதன், தெய்வ, தானவ மற்றும் மானவத்தின் ( தெய்வம், அசுரன் மற்றும் மனிதன் ) ஒரு கலவையே. அசுர இயல்பின் துர்குணத்தை, தயை, பரிவு மற்றும் தோழமை உணர்வினால் வெல்ல முடியும்;தெய்வ இயல்பினால் தோன்றும் தற்பெருமை குணத்தை தமா ( சுயக் கட்டுப்பாடு), பற்றின்மை மற்றும் துறவு மனப்பாங்கினால் வெல்லலாம்; மனித இயல்பின் அஹங்கார குணத்தை, தவத்தினால் புனிதமடைந்து, தங்களது உணர்வுகள் மற்றும் உந்துதல்களை பயனளிக்கும் துறைகளில் செலுத்திய பாரபட்சமற்ற முனிவர்கள் வகுத்த தர்மத்தைக் கடைப்பிடிப்பதன் மூலம் வெல்ல முடியும். எப்போது இந்த மூன்றும் இவ்வாறு புடம் போடப் படுகிறதோ, மானவன் ( மனிதன் ), மாதவனாக (தெய்வம்) மாறி விடுகிறான். ஒவ்வொருவரும், தங்களது குறைகளையும், தவறுகளையும் கண்டு பிடிப்பதன் மூலம், இந்த புனிதப்படுத்தும் முறையைப் பின்பற்றி, வெற்றிப் பாதையை உணர வேண்டும். உங்களிடம்,தயா, தமா மற்றும் தர்ம (பரிவு, சுயக்கட்டுப்பாடு மற்றும் தர்மம் ) இருக்குமானால், அதுவே, மனதின் முக்குணங்களுக்கு அப்பாற்பட்ட ஒரு நிலைக்கு உங்களை இட்டுச் செல்லும்; அதன் பிறகு, குருவிடமிருந்து ஒரு நாமம் அல்லது மந்திரத்தைப் பெற்று. அதை உச்சாடனம் செய்யத் தேவை இல்லை.