இப்போதெல்லாம்,ஒருவர் உல்லாசப் பயணம் செல்லும்போது,ஒரு கண்ணாடி, ஒரு சீப்பு, ஒரு கைக்குட்டை ஆகியவற்றை எடுத்துக் கொண்டு செல்கிறார். மக்கள் இவற்றை ஏன் வைத்துக் கொள்கிறார்கள்? பயணிக்கும் போது, காற்று அவர்களது தலை முடியை கலைத்து விடக் கூடும்; எனவே, அதை வாரி,ஒழுங்கு செய்து கொள்ள ஒரு கண்ணாடி மற்றும் சீப்பைப் பயன்படுத்துகிறார்கள். இவை நீங்கள் அழகாகத் தெரிய உதவுகின்றன. இதைப் போலவே, உங்களது மனதின் கலைந்த அழகைச் சரி செய்ய, உங்களுக்கு ஒரு சில உபகரணங்கள் தேவை அல்லவா? எவ்வாறு ஒரு கண்ணாடி உங்களது தலை முடி கலைந்திருக்கிறதா இல்லையா என்று எடுத்துக் கூறுகிறதோ, அவ்வாறே, பக்தி உங்களது மனதின் நிலைமையை எடுத்துக் காட்டுகிறது ! இந்தத் தெளிவான கண்ணாடியின் மூலம், உங்கள் மனதில் களங்கம் உள்ளதா இல்லையா என்று எளிதாகப் பார்க்க முடியும். எப்போது,நாம், நமது மனம் கலங்கியுள்ளது என்று உணருகிறோமோ, நாம் அதை உடனே சரி செய்ய வேண்டும்; அதைச் செய்வதற்கு நமக்கு ஞானம் என்ற சீப்பு தேவை ! பற்றின்மையே (வைராக்யம் ), நமது இதயத்திலிருந்து. அழுக்கைத் துடைத்துக் கொள்வதற்கான கைக்குட்டையாகும். வாழ்க்கை எனும் பாதையில் பயணிக்கும் போது,நீங்கள் எங்கு இருந்தாலும், எப்போதும் பக்தி, ஞானம் மற்றும் வைராக்யம் என்ற நற்குணங்களை எடுத்துச் செல்லுங்கள்.