நாம், ஒன்று சேர்ந்து வளருவோம், ஒன்றாகப் பழகி,ஒன்றாகக் கற்றுக் கொள்வோம்,புத்தியை அபிவிருத்தி செய்து கொண்டு, சீரிய குறிக்கோள்களை, எந்த வித மோதலும் இன்றி ஒன்றாக அடைவோம்; நாம் நட்புறவுடன் வாழ்வோமாகுக. இதுவே சமத்துவத்தின் உண்மையான பொருளாகும்.இந்த சமத்துவமே சாந்தியை அளிக்கிறது. சமத்துவம் இல்லை எனில், அங்கு பகைமை,வேறுபாடுகள் மற்றும் இருமை ஆகியவை மட்டுமே இருக்கும். ஒவ்வொரு நாளும் நீங்கள் சாந்தி, சாந்தி, சாந்தி என மூன்று முறை கூறுகிறீர்கள் ! அதை ஒரு பரிசுத்தமான இதயத்துடனும், மிருதுவாகவும் கூறுங்கள். இதயத்தில் பகைமை இருக்குமானால், சாந்தி மந்திரத்தால் எந்தப் பயனும் இல்லை ! அதைக் கடுமையாகக் கூறுவது அந்த உச்சாடனத்தின் பலனை இல்லை என்று ஆக்கி விடும் ! வார்த்தைகள் முக்கியமல்ல, உங்கள் இதயத்தினுள் உள்ள உணர்வுகளே முக்கியம்.எனவே, எல்லா விதமான ஆன்மீக சாதனைகளையும், இதயத் தூய்மையுடன் ஆற்றுங்கள். ப்ரேமையின் பாதையே மிகவும் சீரியதானதாகும். உங்களால், இறை நாம ஜபம் செய்ய முடியாமல் இருக்கலாம், உங்களால் ,தியானத்தின் மூலம் மனதை நிலை நிறுத்தச் செய்ய முடியாமல் போகலாம். உங்களுக்கு யோகத்தின் பாதை தெரியாமல் இருக்கலாம். ஆனால், நீங்கள் உங்கள் இதயத்தில் ப்ரேமையை அபிவிருத்தி செய்து கொள்ள முடியும். ப்ரேமையின் பாதை எளிமையானது. அது குறைந்த நீளம் கொண்டது.