அர்ஜூனன், அந்த தலைசிறந்த போதனையை உட்கிரகித்துக் கொள்வதற்குத் தேவையான, விரக்தி. வைராக்யம், சரணாகதி மற்றும் ஒரே முக மனக்குவிப்பு ( விஷாத,வைராக்ய, ஸரணாகதி மற்றும் ஏகாக்ரதா) ஆகியவற்றை எடுத்துக் காட்டியதால், இறைவனிடமிருந்தே, ஸ்ரீமத் பகவத் கீதையின் ஆன்மீக போதனையைப் பெறுவதற்கான தகுதியை உடையவன் ஆனான். ஆத்ம சாக்ஷாத்காரம் பெற வேண்டும் என்ற உங்களது ஏக்கம் உண்மையிலேயே தீவிரம் அடையும் போது, அந்த உயர்ந்த குறிக்கோளை அடைவதற்கு உதவாத, அனைத்து சமூக மரபுகள், உலகியலான நெறிமுறைகள் மற்றும் நடத்தை விதிகள் ஆகியவற்றை ஒதுக்கி விடுவதற்கான உரிமையை நீங்கள் பெறுகிறீர்கள். பின்னர், பக்த பிரஹலாதன் தன் தந்தையைப் புறக்கணிக்கலாம், பீஷ்மர் தனது குருவை எதிர்க்கலாம், மீரா தனது கணவரைத் துறக்கலாம், ஆதி சங்கரர் , தனது தாயிடம் தந்திரமாக அனுமதி பெறலாம். அந்த நிலையை நீங்கள் அடைந்து விட்டீர்களா என்று கேட்டுக் கொள்ளுங்கள் ! ஆத்ம சாக்ஷாத்காரத்திற்கான அந்த ருசியை அபிவிருத்தி செய்து கொள்ளுங்கள் ! இறை நாமஸ்மரணையே மிகச் சிறந்த வழியாகும்; அதை எல்லாக் காலங்களிலும், எல்லா இடத்திலும் , ஜாதி, மத, இன, குல, வயது, பொருளாதார மற்றும் சமூக பாகுபாடு இன்றி, அனைவரும் கடைப் பிடிக்கலாம். அது, உங்களுக்கு இடையறாது இறைவனுடன் தொடர்பை ஏற்படுத்தி, அவனது அளவற்ற ஞானம் மற்றும் சக்தியை, உங்களுக்கு அளித்து விடும்.