உங்கள் மனதை , கவனச் சிதறள்களில் இருந்து விடுவித்து, இறைத் தேடுதலோடு இணைப்பதற்கான தலை சிறந்த வழி யோகமும், தியாகமுமே. காமத்தை ( ஆசைகளை), தியாகத்தின் மூலம் விட்டொழித்து, ராமனை ( இறைவனை ) யோகத்தின் மூலம் பெற்றிட வேண்டும். ஆசை, புத்தியை விகாரமாக்கி, பகுத்தறிவை வக்கிரப்படுத்தி, புலன்களின் பசியை தீவிரப்படுத்தி, பொருட்களாலான உலகத்தின் மீது ஒரு பொய்யான, கவர்ச்சிக்கு இட்டுச் செல்கிறது. எப்போது ஆசை மறைந்தோ அல்லது இறைவன் பால், ஒருமுகப் படுத்தப் படுகிறதோ, அப்போது, புத்தி, சுயம்பிரகாசம் அடைந்து, தனது தூய காந்தியில் ஒளி விட்டுப் பிரகாசிக்கிறது. அந்த ஜோதி, அந்தராத்மாவிலும், வெளி உலகிலும் உறையும் இறைவனை வெளிப்படுத்திக் காட்டுகிறது. அதுவே, உண்மையான ஆத்ம சாக்ஷாத்காரமாகும். நீங்கள் உங்களது ஆன்மீக சாதனையில் வெற்றி பெற வேண்டும் என நான் ஆசீர்வதிக்கிறேன். நீங்கள் எந்த ஆன்மீக சாதனையையும் தற்போது கடைப்பிடிக்கவில்லை என்றால், எளிய இறை நாமஸ்மரணையோடு கூடவே, பெற்றோர்கள், பெரியவர்கள் மற்றும் ஆசிரியர்களை மதித்து, ஏழை, எளியவர்களுக்கு சேவை ஆற்றுவதை மேற்கொள்ளுமாறு அறிவுறுத்துகிறேன்.