ஒவ்வொருவரும் மகிழ்ச்சியாக இருக்க ஆவலாக உள்ளார்கள்; ஒவ்வொருவரும் குறைவாக உழைத்து,அதிகமாக லாபம் பெறவும், குறைவாகக் கொடுத்து, நிறைவாகப் பெறவும் ஆசைப்படுகிறார்கள்: ஆனால் எவரும்,குறைவாக ஆசைப்பட்டு, அதிகமாகக் கொடுப்பதை சோதித்துப் பார்ப்பதில்லை! ஒவ்வொரு ஆசையும், உங்களது முன்னேற்றத்தை பின் இழுத்துச் செல்லும் பிணைச் சங்கிலியே. ஒரு இளம் கல்லூரி மாணவன் தனது இரண்டு கால்களில் சுதந்திரமாகத் திரிகிறான்; அவன் திருமணம் செய்து கொண்டவுடன், நான்கு கால் பிராணியாக ஆகி விடுகிறான் ! ஒரு குழந்தை அவனை ஆறு கால் கொண்டவனாக, அவனது இயக்கத்தை மேலும் கட்டுப் படுத்தி விடுகிறது. கால்கள் அதிகமானால் வேகம் குறைவு, நிலத்தில் அவன் கால் பதிப்பு மேலும் இறுகி விடுகிறது- நூறு கால் பூச்சி தவழத்தான் முடியும் என்பதை நினைவில் கொள்ளுங்கள் !அதிகமான பொருட்கள் என்றால், அதிகமான தடைகள் மற்றும் ஊனங்கள் என்றே பொருள். தேவைகளைக் குறைத்துக் கொண்டு, எளிமையாக வாழுங்கள்- அதுவே சந்தோஷத்திற்கான பாதையாகும்.பற்றுதல் , அதனுடன் துன்பத்தைத் தான் கொண்டு வரும்; இறுதியில், மரணம், அனைத்தையும் விட்டு விட்டு, அனைவரையும் உதறி விட்டுச் செல்ல வேண்டும் எனும் போது, நீங்கள் சோகத்தில் ஆழ்ந்து விடுகிறீர்கள் !நீருக்குள் இன்றி, நீரின் மேல் இருக்கும் தாமரையைப் போல இருங்கள். தாமரை வளர, நீர் தேவை தான்; ஆனால் ஒரு சொட்டு நீர் கூட தன்னை நனைப்பதை தாமரை அனுமதிப்பதில்லை.