தங்கம், எவ்வாறு ஒரு அழகான ஆபரணமாக மாறுவதற்கு, உலைக்கலம், சுத்தியல் மற்றும் பட்டறையை வரவேற்கிறதோ அவ்வாறே விதியின் அனைத்து அடிகள், துரதிருஷ்டங்கள் மற்றும் துன்பங்களுக்கு வரவேற்பு அளியுங்கள். அல்லது, கரும்பு எவ்வாறு அதன் இனிமையைத் தக்க வைத்து அனைவராலும் பயன்படுத்தக் கூடிய சர்க்கரையாக மாறுவதற்கு, வெட்டுக் கருவி, பிழியும் இயந்திரம், கொதிகலன், கடாய், தெளிப்பான் மற்றும் உலர் இயந்திரம் ஆகியவற்றை வரவேற்பதைப் போல. பாண்டவர்கள், அவர்கள் மீது பேரிடர்கள் பாய்ந்த போதும், ஒருபோதும் புலம்பியதில்லை. பேரிடர்கள், அவர்களை பகவான் ஸ்ரீகிருஷ்ணரை தியானித்து, அவரை அழைப்பதற்கு உதவியதால், மகிழ்ச்சியே அடைந்தார்கள். இறைவனது ஸங்கல்பத்திற்கு பணிந்து விடுங்கள். ஒருபோதும், அதிகாரம் அல்லது பதவியை நாடாது, என்றும் சந்தோஷமாகவும், நிலைகுலையாமலும் இருக்க, இறைவனது ஸங்கல்பத்திற்கு சரணாகதி அடைந்து விடுங்கள். பக்தன், இறைவனை நோக்கி விரைந்து செல்வதை விட, அதிக வேகமாக இறைவன் பக்தனை நோக்கி விரைந்து வருகிறான். நீங்கள், அவனை நோக்கி ஒரு அடி எடுத்து வைத்தால், அவன் உங்களை நோக்கி நூறு அடி எடுத்து வைப்பான் ! அவன் ஒரு தாய் அல்லது தந்தையை விடவே மேன்மையானவன். அவன் மீது நம்பிக்கை வைத்த பல சாதுக்களை அவன் எவ்வாறு பேணிக் காத்தானோ, அவ்வாறே, அவன் உங்களை உள்ளிருந்து பேணிக் காத்திடுவான் !