முதன் முதலில், உங்களுக்குள் ஒற்றுமையை நிலை நாட்டுங்கள்; பிறரிடம் குறைகளையோ அல்லது உங்களிடம் மட்டும் சிறப்புத் தன்மைகளையோ நாடாதீர்கள். இறைவனே தந்தை, மனிதரனைவரும் சகோதரர்கள் – இதில் முழு நம்பிக்கை கொண்டு, உங்களது ஒவ்வொரு செயலையும், அந்த மரியாதை மற்றும் ப்ரேமையால் நிரப்புங்கள். நீங்கள் எங்கிருந்தாலும், எந்த வேலை செய்தாலும், அதை ஒரு வழிபாடாகவும், அர்ப்பணிப்பாகவும், உந்துதல் அளித்தும், சாக்ஷிபூதமாகவும், தலைவனாகவும் இருக்கும் இறைவனது மாட்சிமைக்காகவும், ஆற்றுங்கள். உங்களது செயல்களை, ‘’ இவை எனக்கானவை ‘’, ‘’ இவை இறைவனுக்கானவை ‘’ எனப் பிரித்துப் பார்க்காதீர்கள். அனைத்து பணியையும் ஒன்றாகவே கருதுங்கள். நீங்கள் பணியாற்றும் போது, எதுவும் மீதமாகவோ, நிலுவையிலோ இருத்தல் கூடாது. இறதி வரை செய்து அனைத்தையும் முடித்து விடுங்கள். அவை மறுபடியும் நிகழக்கூடாது. நீங்கள் அனைத்து செயல்களையும், இறைவனது திருப்பாத கமலங்களில் அர்ப்பணித்து, அதில் எந்த விதமான அஹங்காரத்தின் சுவடும் இல்லாமல் இருக்குமாறு செய்தால், அவற்றின் பலாபலன்கள் உங்களைப் பிணைக்காது; நீங்கள் சுதந்திரமானவராக, விடுதலை பெற்றவராக, மோக்ஷத்தை அடைந்தவர்களாக ஆகி விடுவீர்கள்.