கடந்த காலம், நிகழ்காலம், எதிர்காலம் என்ற மூன்று காட்சிகளைக் கொண்ட, காலத்தின் இந்த நாடகம், இறைவனுக்குத் தெள்ளத் தெளிவான ஒன்றாகும். அனைத்தும் அறிந்தவனாகவும், அவனது திட்டமே நிறைவேறுவதாலும், சிருஷ்ட்டி என்ற மேடையில் நடிக்கப் படுவது அவனது நாடகமே என்பதாலும், தனது ஒரு கண் சிமிட்டும் நேரத்தில் அவன் இந்த மூன்றையும் புரிந்து கொண்டு விடுகிறான். ஆனால், இதன் நடிகர்களும், பார்வையாளர்களும், இதன் விரிவு மற்றும் அர்த்தத்தைப் புரிந்து கொள்ள இயலாமல், குழம்பி விடுகிறார்கள். ஏனென்றால் ஒரே ஒரு காட்சி, எப்படி அதன் அர்த்தத்தை வெளிப்படுத்த முடியும்? முழுமையாக நாடகத்தைப் பார்த்தால் தானே அதன் கதை தானாக விளங்கும் . இல்லையா? இதன் மர்மம் தெளிவாகி, இது ஒரு ‘’ வெறும் நாடகம் தான்’’ என்று கண்டறிந்தவுடன், நீங்கள் அவனுள்ளும்,அவன் உங்களுள்ளும் இருக்கிறான் என்ற நம்பிக்கை உதயமாகி விடுகிறது. எனவே, ஞானத்தைத் தேடுபவர்களே, எப்போதும் இந்த விழிப்புணர்வோடு இருங்கள் ; இறைவன் ஒவ்வொரு இதயத்திலும், ஸ்தூலமாகவும் சூக்ஷூமமாகவும் இருக்கிறான். இறைவன் எறும்பு மற்றும் யானை, அணு மற்றும் அண்டம் என அனைத்திலும் உறைகிறான்.