உண்மையான மற்றும் ஆழ்ந்த இறை நம்பிக்கை இன்றி, ஸ்ரீமத் பகவத் கீதையின் 700 ஸ்லோகங்களையும், மனப்பாடம் செய்வது முழுவதும் வீணே; அது ஞாபக சக்திக்கு வெறும் ஒரு சுமை தான். மேலோட்டமான ஆர்வத்துடன், வேதங்களை ஓதுவதும், சாஸ்திரங்களைத் திரும்பத் திரும்பப் படிப்பதும், தலைசிறந்த ரிஷிகளின் வரலாறுகளை படிப்பது அல்லது கேட்பதும், அதிக பட்சம் வெறும் மன அளவிலான கழைக்கூத்தூடி ஆட்டம் தான்; அவற்றில் ஆன்மீக மதிப்பு எதுவும் இல்லை! அவற்றை ஆழ்ந்த பக்தி ,சிரத்தையுடன் நீங்கள் ஓதவோ, படிக்கவோ அல்லது கேட்கவோ செய்யும் போது மட்டும் தான், அவை உங்களது சிந்தனைகள் மற்றும் செயல்களில் தாக்கத்தை ஏற்படுத்துகின்றன. பின்னர், அவை வெறும் கதைகளாக இல்லாமல், உங்களது வாழ்க்கையையே மாற்றுவதற்கான உத்வேகமும், ஆறுதலும் அளிப்பவையாக ஆகி விடுகின்றன. சாஸ்திரங்களிலிருந்து சரியான பாடங்களைக் கற்றுக் கொள்ளுங்கள். வாழ்வின் பிரச்சனைகளை , திறமையோடும், மன வலிமையோடும் எதிர் கொள்வதற்கான தன்னம்பிக்கையை அபிவிருத்தி செய்து கொள்ளுங்கள். உங்கள் கடமைகளை, ஒவ்வொரு நாளும் பக்தியோடு ஆற்றுங்கள்.