“”ஞானமே, அனைத்து வியாதிகள், துன்பங்கள் மற்றும் துயரங்களுக்கான நிவாரணம் ஆகும்’’, வேதங்கள் அதை இப்படித் தான் வர்ணிக்கின்றன. மனிதர்களுக்கு இடையே, மிக அவசரமாக மருத்துவ சிகிச்சை யாருக்குத் தேவைப்படும்? மிகவும் அதிகமாக நோய் வாய்ப் பட்டவர்களுக்கே அல்லவா? அதைப் போலவே, அறியாமையில் உழன்று கொண்டு இருப்பவர்களுக்கே, ஞானத்தின் போதனை மற்றும், அதைப் பெறுவதற்கு இட்டுச் செல்லும் பயிற்சியைப் பெறுவதற்கு, முதன் முதல் உரிமை உள்ளது. ஞானத்தைப் பெறுவதற்கு பல மார்க்கங்கள் உள்ளன; அவற்றில் முதன்மையானது பக்தி மார்க்கமே. விளக்கின் ஜோதிக்கு எண்ணெய் எப்படியோ, அப்படியே தான் ஞானம் எனும் ஜோதிக்கு பக்தியாகும். ஞான ஆனந்தம் எனும் தெய்வீக வ்ருக்ஷம், பக்தி எனும் புத்துயிரூட்டும் நீரால், செழித்தோங்குகிறது. இதை நன்றாகப் புரிந்து கொள்ளுங்கள். இதன் காரணத்தால் தான், தெய்வீக ஆனந்த ஸ்வரூபனும், கருணை எனும் குணத்தில் தோய்ந்தவருமான பகவான் ஸ்ரீகிருஷ்ணர், ஸ்ரீமத் பகவத் கீதையில், ‘’ பக்தியின் மூலமே நான் அறியப் படுகின்றேன் – பக்த்யாமாம் அபிஜானதி ‘’ எனப் பறைசாற்றுகிறார். எதற்காக, இந்த அறிவிப்பு செய்யப் பட்டது ? ஏனென்றால், பக்தி மார்க்கத்தில் தடைகளே கிடையாது. இளைஞர், முதியவர், உயர்ந்தவர், தாழ்ந்தவர், ஆண் , பெண் என்ற அனைவருக்கும் இந்த மார்க்கத்தில் செல்வதற்கு உரிமை இருக்கிறது.