ப்ரேமையின் ஸ்வரூபங்களே! முதன் முதலில் உங்களது உடல் பற்றினைக் குறைத்துக் கொள்ளுங்கள்.உங்களது உடல் பற்று அதிகரிக்க, அதிகரிக்க, உங்களது துன்பமும் அதிகரிக்கும். தேஹம், தெய்வம் உறையும் ஆலயம். இது உங்களது உடல் அல்ல, ஆனால் இறைவனது ஆலயம் என்று கருதுங்கள். இறைவன் அதில் உறைவதால், உடலும் புனிதமானதே. அது , மனிதனுக்கு, இறைவன் அளித்த பரிசாகும். எனவே, புனிதமான செயல்களை ஆற்றி, அதிலிருந்து ஆனந்தத்தைப் பெற, இந்த உடலைப் பயன்படுத்துங்கள். நீங்கள் ஆனந்தத்தைப் பிறருடன் பகிர்ந்து கொள்ளும் போது, நீங்கள் தெய்வீகத்தை அனுபவிப்பீர்கள்.உங்களது ஆன்மீக சாதனைகளைத் தொடர்ந்து செய்யுங்கள். ஆனால், இறைவன் உங்களுள்ளும், உங்களுக்கு மேலும், உங்களுக்குக் கீழும், உங்களைச் சுற்றியும் உள்ளான் என்ற உணர்வில் எப்போதும் தோய்ந்திருங்கள். இறைவன் உங்களை விட்டுப் பிரிந்து உள்ளான் என்று ஒருபோதும் கருதாதீர்கள். ‘’ நான் தனியாக இல்லை. இறைவன் என்னுடன் இருக்கிறான் ‘’ உங்களுள் இந்த உணர்வை வலுப்படுத்திக் கொண்டு, அதற்கு ஏற்றவாறு உங்கள் வாழ்க்கையை உருவாக்கிக் கொள்ளுங்கள். உங்களது வாழ்க்கையை, ப்ரேமையுடன் நடத்துங்கள்.