நீங்கள் போதிப்பதற்கு எதிர்மறையாக நீங்களே செயல்படுவதே, நீங்கள் செய்யக் கூடிய மிகவும் கீழ்த்தரமான செயலாகும்.நீங்கள் வாயால் கூறுவதை, கையால் மறுக்கிறீர்கள் ! உங்களது போதனைகளின் படி உங்களாலேயே நடக்க முடியவில்லை என்றால், உங்கள் வாயை மூடிக் கொண்டு இருங்கள்; பிறருக்கு உபதேசம் செய்து, நீங்களே உங்களை ஒரு வெளிவேஷக்காரராக,விளம்பரப் படுத்திக் கொள்ளாதீர்கள் ! செயல்பாட்டில் அதை மறுத்துக் கொண்டே, நல்லொழுக்கத்தை போதனை செய்யாதீர்கள் . தர்மம் நிரந்தரமானதும், மாறாததும் ஆகும்; அது எப்போதும் வீழ்ச்சி அடைவதில்லை.தர்மத்தைப் பற்றி ஒழுக வேண்டியவர்கள் தான், இறைநம்பிக்கை மற்றும் மன உறுதியில் குறைந்து கொண்டே வருகிறார்கள் ! ஒவ்வொரு மனிதனும், அவர்களது நடத்தையை வைத்துத் தான் கணிக்கப் படுகிறானே அன்றி, ஒரு போதும் மிகுந்த பேச்சுத் திறனோடு அவர்கள் கூறும் சித்தாந்தங்களை வைத்து அல்ல. உங்களை நீங்களே நேர்மையுடன் இவ்வாறு கேட்டுக் கொள்ளுங்கள், ‘’ இது வரை நான் பெற்ற ஆன்மீக அனுபவத்தை எவ்வாறு நான் பயன்படுத்தி இருக்கிறேன் ? எவ்வளவு தூரம் நான் பயனடைந்திருக்கிறேன் ? ‘’ ஆத்ம சோதனை செய்து கொள்ளுங்கள் ! ஒரு விதைதான் மெதுவாக, ஒரு மிகப் பெரிய ஆலமரமாக உருவாகிறது. அதைப் போலவே, சின்னச் சின்ன செயல்கள், இதமான வார்த்தைகள், உண்மையான மற்றும் கனிவான பணிகள் ஆகியவற்றின் மூலம், நீங்கள் உங்களையே ஒரு தெய்வீகமானவராக உயர்த்திக் கொள்ளுங்கள்!