நிரந்தரமான சாந்தி, சந்தோஷங்களை நீங்கள் நாடுவதாக இருந்தால், புலனின்பப் பொருட்களைத் தேடுவதை நீங்கள் விட்டு விட வேண்டும். பொருட்களாலான செல்வம், அதனுடன், சந்தோஷத்தை மட்டும் அல்ல, துக்கத்தையும் கூடவே கொண்டு வரும். செல்வத்தைக் குவிப்பதும், தேவைகளைப் பெருக்கிக் கொள்வதும், சந்தோஷம் மற்றும் துக்கம் மாறி மாறி வருவதற்கே இட்டுச் செல்லும். பற்றுதலே சந்தோஷம் மற்றும் துக்கத்தின் ஆணி வேர்; பற்றின்மையே ரக்ஷகர். பற்றுதலே (அஷக்தி), மரணம்( மாரக ). பற்றின்மையே (அனஷக்தி), மோக்ஷம் ( தாரக). ஒரு கோடீஸ்வரன், அவரது கண்களில் நீர் வழிய, வருமான வரியைக் கட்டுகிறார்; அதே சமயம் ஒரு தலைமை ஆசிரியர், வேறு இடத்திற்கு மாற்றப் படும் போது, தனது பள்ளியின் மரச் சாமான்களையும், பரிசோதனைக் கூடத்தின் உபகரணங்களையும், சந்தோஷமாக விட்டு விட்டுச் செல்கிறார். ஏன்? தலைமை ஆசிரியர், தான் சொந்தக்காரர் அல்ல, வெறும் தாற்காலிகப் பொருட்பாளர் மட்டுமே என்பதை அறிவார் ; அவர் அந்தப் பொருட்களின் மீது பற்று வைப்பதில்லை; அவை அரசாங்கத்திற்குச் சொந்தமானவை என்பதை அவர் அறிவார். அதைப் போலவே, உங்களது குடும்பம், வீடு, சொத்து போன்றவை எல்லாம் தெய்வத்தின் சொத்துக்களே, நீங்கள் வெறும் ஒரு அறக்கட்டளையாளரே என்பதை உணருங்கள் ; பற்றின்றியும், ஒரு கண நேர அறிவிப்பில், எந்த முணு முணுப்பும் இன்றி, அவற்றை விட்டுக் கொடுப்பதற்குத் தயாராகவும் இருங்கள் !