நீங்கள் , இறைவனுக்கு அர்ப்பணிக்க வேண்டியது, செடிகள் விளைவித்த புஷ்பங்களை அல்ல; அது செடிகளுக்குத் தான் பயன் தருமே அன்றி, உங்களுக்கு அல்ல ! இறைவன், நீங்கள், உங்கள் இதயம் எனும் தடாகத்தில் மலர்ந்த தாமரையையும், உங்கள் வாழ்க்கை எனும் மரத்தில் பழுத்த கனியையுமே விரும்புகிறானே அன்றி, கடைவீதியில் கிடைக்கும் தாமரையையும், கனியையும் அல்ல ! நீங்கள், ‘’ நாங்கள் இறைவனை எங்கே காண முடியும்’’ என்று கேட்கலாம். நல்லது, அவன் தனது முகவரியை, ஸ்ரீமத் பகவத் கீதையின் பதினெட்டாவது அத்தியாயத்தின் 61வது ஸ்லோகத்தில் கொடுத்திருக்கிறான். அவன்,’’ ஓ அர்ஜூனா , இறைவன், அனைத்து ஜீவராசிகளின் இதயங்களில் வசிக்கிறான் ( ஈஸ்வர ஸர்வ பூதானாம் ஹிருத்தேஸே, அர்ஜூனா, திஷ்டதி), இப்போது, இதை அறிந்த பிறகு, நீங்கள், எவ்வாறு, எந்த ஜீவராசியையும், அவமதிப்புடன் தாழ்மையாக நோக்கவோ அல்லது அவர்களை வெறுப்பதில் திளைக்கவோ அல்லது இகழ்வது என்ற பொழுதுபோக்கில் ஈடுபடவோ முடியும்? ஒவ்வொருவரும், தெய்வ சான்னித்யத்தால் உயிரூட்டப்பட்டும், தெய்வீக குணங்களால் செயல்படவும் செய்கிறார்கள். ப்ரேமை, மரியாதை, நட்புணர்வு, இவற்றை உங்களிடமிருந்து பெற ஒவ்வொருவரும் தகுதியானவர்களே. இவற்றை முழுமையாக அளியுங்கள்.