ஏசு கிருஸ்து பல சீரிய குணங்களின் உதாரணமாகத் திகழ்ந்தார்.அவர், பல ஏழைகளுக்கும், நிராதரவானவர்களுக்கும், ஒரு ப்ரேமை நிறைந்த இதயத்தோடு, பாதுகாப்பு அளித்தார்.தனது உடலையே,சிலுவையில் தியாகம் செய்ததன் மூலம், ஒரு நல்ல பெயர் எடுத்தார்.நீங்களும் கூட அப்படிப் பட்ட ஒரு தலைசிறந்த தியாகத்திற்குச் சித்தமாக இருக்க வேண்டும். நீங்கள் உங்களது இதயத்தை, தன்னலமற்ற ப்ரேமையால் பரிசுத்தமாக்கிக் கொள்ள வேண்டும். ப்ரேமை மற்றும் தியாகம் நிறைந்த ஒரு வாழ்க்கையை நடத்துங்கள்! ஒவ்வொரு ஜீவராசியின் உள்ளும் உறைவது ஒரே ஆத்மா என்பதால், பிறரை தூஷிப்பதில் ஒருபோதும் ஈடுபடாதீர்கள். நீங்கள் மற்றவர்களை நிந்தித்தால், அது உங்களையே நிந்திக் கொள்வதற்கு ஒப்பாகும். உங்களுக்கு அவர்களைப் பிடிக்கவில்லை என்றால், அவர்களிடமிருந்து விலகி இருங்கள்; ஆனால் ஒருபோதும் அவர்களை நிந்திக்காதீர்கள்!, நீங்கள் தீய குணங்களை விடவில்லை என்றால், நீங்கள் எவ்வளவு நற்செயல்களைப் புரிந்தாலும் , ஒரு பயனும் இல்லை. நீங்கள் பிறருடைய கோரிக்கைகளை ஏற்க முடியாமல் போகலாம், ஆனால் நீங்கள் எப்போதும் இதமாகப் பேசலாமே. எவரும் துன்பம் மற்றும் துயரத்திலிருந்து தப்ப முடியாது. இன்று அந்த மனிதராக இருக்கலாம், நாளை அது நீங்களாகவும் இருக்கக் கூடும். எனவே, நீங்கள் யாராவது துன்பப் படுவதைக் கண்டால், உதவி செய்ய முயலுங்கள்.