ஒவ்வொருவரும் வாழ்க்கையின் இன்னல்களைக் கடந்தே ஆக வேண்டும். இதுவே, வெளியுலகப் பாதையான ப்ரவிருத்தி மார்க்கத்தின் நியதியாகும். வாழ்க்கையில் உள்நோக்கிய பாதையான நிவ்ருத்தி மார்க்கம் என்ற மற்றும் ஒரு பாதை இருக்கிறது. ஒரு குழந்தை தன் தாயிடம் சென்று , ‘’ அம்மா ! எனக்குப் பசிக்கிறது ‘’ என்கிறது. வெளி உலகிலான பாதையை மட்டுமே பின்பற்றும் தாய், ‘’ குழந்தாய், சென்று உணவு அருந்து. உன்னுடைய பசி தீர்ந்து விடும் ‘’ என்பாள். இதுவே ப்ரவருத்தியின் தர்மம். ஆனால், உள்நோக்கிய பாதையைப் பின்பற்றும் தாய், இவ்வாறு வெறுமனே சொல்வது மட்டும் இல்லை. அவள் குழந்தைக்கு, எப்படிப்பட்ட உணவை, எப்போது, எவ்வாறு சாப்பிட வேண்டும் என்றும் கூட அறிவுறுத்துவாள். நிவ்ருத்தி மார்க்கத்தைப் பின்பற்றும் தாய், எந்த உணவைச் சாப்பிட்டால், உங்களுக்கு நல்ல ஆரோக்யம் கிடைக்கும் என்பதைப் பற்றி ஆலோசனை தருவாள். ஒருவருக்கு ஆசைகள் இருக்கலாம், ஆனால், அவை ஒரு அளவோடு இருக்க வேண்டும். அது சத்தியம் மற்றும் தர்மத்தின் அடிப்படையில் இருக்க வேண்டும்.உங்களுக்குக் கிடைத்ததை எல்லாம் உண்ணாதீர்கள்.உங்கள் மனதில் வருவதை எல்லாம் பேசாதீர்கள்.முறையாக ஆராய்ந்த பிறகு மட்டுமே பேசுங்கள். ஸ்ரீமத் ராமாயணம், வாழ்க்கையின் ப்ரவிருத்தி மற்றும் நிவ்ருத்தி மார்க்கங்களின் அம்சங்களை அழகாகப் போதிக்கிறது.அதில் விவரிக்கப் பட்டுள்ள சீலத்தை விட உயர்ந்தது எதுவும் இல்லை. ராமாயணமே, நமது பாராயணமாக இருக்க வேண்டும்.