நீங்கள் பஜனை பாடும் போது, கைகளைக் கொட்டி, சரியான தாளத்தை அனுசரியுங்கள். கைகளைத் தட்டுவது பஜனைக்கு ஏற்றவாறு இருக்க வேண்டும். பஜனைகளை , சரியான ராகத்துடன், முழு மனதாகப் பாட வேண்டும். பா-ர-த என்ற வார்த்தையில் உள்ள மூன்று எழுத்துக்களான பா என்பது பாவத்தையும், ரா என்பது ராகத்தையும், த என்பது தாளத்தையும் குறிக்கிறது. இதன் பொருள், இறைவனது மாட்சிமையை, பாவம், ராகம் மற்றும் தாளத்துடன் பாடுபவர்களே உண்மையான பாரத தேசத்தவர் என்பதாகும். நீங்கள் இரண்டு கைகளையும் சேர்த்துத் தாளம் போட வேண்டும். ஒரு கையில் உள்ள ஐந்து விரல்கள், ஐந்து கர்மேந்திரியங்களையும். மற்றொரு கையில் உள்ள ஐந்து விரல்கள் , ஐந்து ஞானேந்திரியங்களையும் குறிக்கின்றன. நீங்கள் இறைவனது மாட்சிமையைப் பாடும் போது, இந்த இரண்டும் இசைவாக இருக்க வேண்டும். உங்களது ஒவ்வொரு செயலும் இறைவனை மகிழ்விப்பதாக இருக்கட்டும். நீங்கள் அவனை ராமா, கிருஷ்ணா அல்லது கோவிந்தா என்று எப்படி அழைத்தாலும் , இறைவன் ஒருவனே. இந்த ஒருமை உணர்வை அபிவிருத்தி செய்து கொண்டு, ஆத்ம சாக்ஷாத்காரத்தை அடையுங்கள்.