உங்களது தேவைகளை, ஒரு குறைந்த பட்ச அளவிற்குக் குறைத்துக் கொள்ளுங்கள் ! நவ நாகரிகமாக இருக்க வேண்டும் என்ற ஒரு முட்டாள்தனமான ஆசை, உங்களை தேவையற்ற பழக்கங்களையும், வேண்டாத பொருட்களையும், குவித்துக் கொள்ளுமாறு செய்துள்ளது. உங்களது அறை, மேஜை, ஆடைகள் வைக்கும் அலமாரி போன்றவற்றை ஆய்வு செய்து, அவசியமற்ற எவ்வளவு பொருட்களைக் குவித்து வைத்திருக்கிறீர்கள் என்று பாருங்கள். யாரோ ஒருவர் அவற்றை வைத்திருப்பதைப் பார்த்து, அவற்றை நீங்களும் கூட வைத்திராவிட்டால், அவர்களது நட்பு வட்டத்தில் நீங்கள் தாழ்வாகக் கருதப்படுவீர்கள் என்று கருதி, அவற்றை எல்லாம் வாங்கி வைத்திருக்கிறீர்கள். நீங்கள் இன்றியமையாதவை என்று கருதுபவற்றை விட மிகக் குறைந்த அளவு பொருட்களோடு, நீங்கள் அனைவரும் சந்தோஷமாக இருக்க முடியும். ஏதாவது ஒரு பொருள் உங்களோடு சில காலம் இருந்து விட்டால், அது தவிர்க்க முடியாதது என்று கருதுகிறீர்கள்; உங்களுக்கு, அது இல்லாமல், எப்படி இருக்க முடியும் என்பது தெரிவதில்லை. உங்களது கற்பனையின் காரணமாக. ஒரு பட்டுப் பூச்சி போல, நீங்களே உங்களைச் சுற்றி என்று ஒரு கூட்டைக் கட்டிக் கொள்கிறீர்கள் ! விலையுயர்ந்த பழக்கங்களை வளர அனுமதிக்காதீர்கள்; அவை பணச்செலவு மற்றும் ஆன்மீகம் என்ற இரண்டு விதத்திலும் பாதிப்பை ஏற்படுத்துபவையே. உங்களது விருப்பு , வெறுப்புக்களை ஜாக்கிரதையாக கவனித்து, உங்களது ஆன்மீகப் பாதைக்குத் தடையாக இருப்பது எதுவானாலும், அவற்றை நீக்கி விடுங்கள்.