நீங்கள் சேவை ஆற்ற முன் வரும்போது, நீங்கள் அபிவிருத்தி செய்து கொள்ள வேண்டிய மனப்பாங்கினைப் பற்றி, நான் உங்களுக்கு சிலவற்றைக் கூற விரும்புகிறேன். இதற்காக, நானே உங்களைத் தேர்ந்தெடுத்துள்ளேன்; இதுவே மிக அரிய ஒரு சலுகையாகும்.ஆயிரக் கணக்கானவர்களில் பலர், தங்கள் இதய பூர்வமாக, இந்த வாய்ப்பைப் பெற வேண்டும் எனக் கெஞ்சிக் கொண்டு இருக்கிறார்கள்; ஆனால் நீங்கள் மட்டுமே தேர்ந்தெடுக்கப் பட்டுள்ளீர்கள். சேவை ஆற்றுவது என்பது வெறும் ஒரு கண நேர உந்துதல் அல்ல என்பதை நான் கூறியே ஆக வேண்டும்; இதை, ஒரு ஆழ்ந்த கட்டுப்பாடு, நீண்ட பயிற்சி மற்றும் பணிவு இன்றி சிறப்பாக ஆற்ற முடியாது. நீங்கள் அனைவரிடத்திலும் ப்ரேமையை வளர்த்துக் கொள்ள வேண்டும். ஒரு சேவா தளத் தொண்டர், ஒரு உயர்ந்த மனிதர் என்றோ பிறரை விட அதிக பக்தி கொண்டவர் என்றோ கருதாதீர்கள்; மற்றவர்களை, தொந்தரவுகள் மற்றும் இடைஞ்சல்களாகத் தாழ்வாக நோக்காதீர்கள். நீங்கள் யாரையாவது கடுமையாக நடத்தும் போது, நீங்கள் என்னையே கடுமையாக நடத்துகிறீர்கள். நீங்கள் யாரையாவது அவமதிக்கும் போது, என்னையே அவமதிக்கிறீர்கள். உங்களுக்கு என் மேல் அன்பு இருக்குமானால், அனைவரிடத்திலும் ப்ரேமை கொள்ளுங்கள்; ஏனெனில் சாய் ஒவ்வொருவரிடத்திலும் இருக்கிறார்.