வியாச முனிவர் பதினெட்டு புராணங்களை எழுதியுள்ளார்; ஆனால், யாருக்காவது அவை எல்லாவற்றையும் படிப்பதற்கு நேரம் இருக்கிறதா? வேலை, வியாபாரம் அல்லது படிப்பு போன்றவை சம்பந்தமான வேலைகள் இருப்பதால், சாஸ்திரங்களைப் படிப்பதற்கோ அல்லது விரதங்களைக் கடைப்பிடிப்பதற்கோ அல்லது சேவை செய்வதற்கோ, மக்கள் தங்களுக்கு நேரமே இல்லை என்கிறார்கள். இந்த சாக்குப் போக்குகளில் பல உண்மையானவை அல்ல.ஒரு மனிதர் அலுவலகத்திலிருந்து திரும்பி வந்தவுடன் நாற்காலியில் ஓய்வாகச் சாய்ந்து கொண்டு, தான் மிகவும் களைப்பாக இருப்பதாகக் கூறுகிறார். அவர் நாற்காலியில் ஓய்வெடுத்துக் கொண்டா இருக்கிறார் ? இல்லையே ! அவர் டெலிவிஷனைப் பார்த்துக் கொண்டு இருக்கிறார் ! டி.வியைப் பார்ப்பதற்கோ அல்லது நண்பர்களுடன் அரட்டை அடிப்பதற்கோ அவருக்குக் களைப்பாக இருக்கவில்லையா? உண்மையைக் கூற வேண்டும் என்றால், இறைவனைப் பற்றிச் சிந்திக்க வேண்டும் என ஒருவர் விரும்பினால், அதற்கு ஏராளமான நேரம் இருக்கிறது. உங்கள் அனைவருக்கும் வேண்டிய நேரம் இருக்கிறது ,ஆனால், நீங்கள் அதைத் தவறாக பயன்படுத்தவும், வீணடிக்கவும் செய்கிறீர்கள். நேரத்தைத் திறம்படப் பயன்படுத்துவதே உண்மையான மனிதப் பண்பாகும். நீங்கள் அனைவருமே, தெய்வீகத்தின் திருவுருவங்களே. நீங்கள் பிறருக்கோ அல்லது உங்களுக்கேயோ தீங்கிழைக்கவோ, ஏமாற்றவோ அல்லது துன்புறுத்தவோ செய்யாதீர்கள். இந்த புனிதமான குணங்களை அபிவிருத்தி செய்து கொள்வதை விட, உயர்ந்த பக்தி மார்க்கம் எதுவுமே இல்லை.