நீங்கள் சாதித்தது எல்லாம், ஒரு மூட்டைப் புத்தகங்களைப் படித்தது மட்டும் தான் என்றால், நீங்கள் கற்றவர்கள் இல்லை.ஆத்மா மற்றும் அதன் இன்றியமையாத தெய்வீகத்தைப் பற்றிய விழிப்புணர்விலிருந்து எழும் ப்ரேம ஜோதியால், உங்கள் உடலும் மனமும் ஒளியூட்டப் பட்டு இருக்க வேண்டும். இன்றைய கல்வி முறை. ஆத்மாவோடு எந்த சம்பந்தமும் இன்றி, உடல் மற்றும் மனதை மட்டுமே கையாளுவதால், நாட்டின் இளைஞர்கள் வேரற்ற செடிகளைப் போல, ஒவ்வொரு பலமான காற்றிற்கும், இங்கும், அங்கும் அலைக்கழிக்கப் படுகிறார்கள். ஆத்மாவைப் பற்றிய விழிப்புணர்வு,அசைக்க முடியாத சக்தியையும், தைரியத்தையும் அளிக்கும். வேதங்கள், இந்த விழிப்புணர்வை பெறுவதற்கும் மற்றும் வாழ்க்கையின் சவால்களை எதிர்கொள்வதற்கு, அதனை பயன்படுத்துவதற்கும் தேவையான வழிகளை போதிக்கின்றன. அது மட்டுமே கல்விக்கு வெற்றி எனும் மகுடத்தை சூட்ட வல்லதாகும். அது மட்டுமே, கலகம் மற்றும் கலக்கத்தின் பிரச்சனைகளை எதிர் கொள்ள இளைஞர்களுக்கு வலுவூட்ட முடியும். கல்லூரிகள், சில பாடங்களை மட்டும் அல்லாது, தேஹத்திற்கும் தேஹிக்கும் உள்ள சம்பந்தத்தையும் கூட போதிக்க வேண்டும். கல்வி பரிபூரணம் அடைவதற்கு, ஒருவர் எவ்வாறு, இந்த இருமைக்கு அப்பாற்பட்ட, ஒற்றுமையை உணர்வது என்பதும் கூட, விளக்கப் பட வேண்டும்.