அதிருஷ்டம் , துரதிருஷ்டம்,சுகம் ,துக்கம், நஷ்டம் , லாபம் என்ற அனைத்தையும் ஒரே சமச்சீரான மனதுடன் நோக்குங்கள். இவை, இயற்கையின் அம்சங்களான உஷ்ணம், குளிர், கோடைக்காலம், குளிர்காலம் போன்றவையே. அவைகளுக்குத் தாங்கள் ஆற்ற வேண்டிய குறிக்கோள்கள் உள்ளன.அதைப் போலவே, வாழ்க்கையின் ஏற்றத் தாழ்வுகள் நமக்கு போதிக்க வேண்டிய பாடங்கள் உள்ளன. உண்மையில், வாழ்க்கையில் மறுபக்கத் திருப்பங்கள் இன்றி, நாம் தெய்வீகத்தை அனுபவிக்க இயலாது. இருட்டு இன்றி, நம்மால், ஒளியின் மதிப்பை உணர முடியாது. துன்பங்களை அனுபவிக்காமல், நாம் லாபங்களை அனுபவித்து மகிழ முடியாது. மனச்சாந்தி இன்மையே, நம்மை, நிரந்தரமான சாந்தியைத் உணரும் வழிகளை நாடக் கட்டாயப் படுத்துகிறது. உபநிஷதங்கள், தியாகத்தின் மூலமே, அமரத்துவத்தைப் பெற முடியும் என பறை சாற்றுகின்றன. நிரந்தரமான சாந்தி, சந்தோஷங்களின் ரகசியத்தைக் கண்டு பிடிப்பதற்கு, நீங்கள் அன்றாட வாழ்க்கையில் பற்றின்மையைக் கடைப்பிடிக்கக் கற்றுக் கொள்ள வேண்டும்.