ஆத்ம தத்துவத்தில நம்பிக்கையை அபிவிருத்தி செய்து கொண்டு, அதை உளமாற நேசிப்பதே, உண்மையான வழிபாடாகும். மனித குலம் நேசிக்க வேண்டிய, ஒரே ஒன்று ஆத்மா மட்டுமே. இம்மையிலும், மறுமையிலும், எந்தப் பொருளையும் விட அதிகமாக நேசிக்கப் பட வேண்டியது ஆத்மாவே என்பதனை உணருங்கள் – அதுவே ஒருவர் இறைவனுக்கு அர்ப்பணிக்கக் கூடிய உண்மையான போற்றுதலும் ஆகும். வேதங்கள் போதிப்பதும் இதுவே. அச்சுறுத்தும், கடினமான விதிமுறைகள் மற்றும் தடைகளின் மூட்டையை ஏற்றுக் கொள்ள வேண்டும் என வேதங்கள் போதிப்பதில்லை; காரண, காரியங்கள் என்ற தடுப்புக்களைக் கொண்டு ஒருவரை அடைத்து வைத்திருக்கும் ஒரு சிறைச் சாலையை, அவை , ஒருவர் முன் வைப்பதில்லை. இந்த அனைத்து விதிமுறைகள் மற்றும் தடைகளின் பின்னால் ஆட்சி செலுத்துபவர் ஒருவரே என்பதையும், அனைத்துப் பொருட்கள், சக்தியின் ஒவ்வொரு அலகு மற்றும் ஒவ்வொரு அணுவின் கருவூலமும், ஒருவரே என்பதையும்; பஞ்ச பூதங்களான ஆகாயம்,காற்று, நெருப்பு, நீர் மற்றும் நிலம் ஆகியவை அந்த ஒருவரின் ஆணைப்படியே இயங்குகின்றன என்பதையும், வேதங்கள் , நமக்கு போதிக்கின்றன. அவனை நேசியுங்கள்.அவனைப் போற்றுங்கள், அவனை ஆராதியுங்கள் என வேதங்கள் கூறுகின்றன. இதுவே வேதங்களில் விவரிக்கப் பட்டுள்ள, மகத்தான ப்ரேம தத்துவமாகும்.