சூரியனை விட அதிக பிரகாசமானதாகவும், வெண்பனியை விட அதிக பரிசுத்தம் மற்றும் வெண்மையானதாகவும், விண்வெளியின் ஆகாசத்தை விட அதிக நுண்ணியதாகவும் ஆன பரமாத்மா, இந்த பிரபஞ்சம் அனைத்திலும் ஊடுருவி, ஒவ்வொரு அணுவிலும் ஜ்வலித்து, அனைத்திலும் உறைகின்றது. நீங்களும் அந்த பரப்பிரம்மத்தில் இருக்கிறீர்கள்; அந்த பரப்ரம்மமும் உங்களுள் இருக்கின்றது. நீங்களே அந்த பரப்பிரம்மம்; அந்த பரப்பிரம்மமே நீங்கள். இதை விட மகத்தான எந்த சத்தியத்தை நான் உங்களுக்குக் கூற முடியும்? நான், முதன் முதல் பணியாக நீங்கள் செய்ய வேண்டும் என்று கூறுவது, உங்களுள் உள்ள தெய்வீகத்தைப் பற்றிய உணர்வை அபிவிருத்தி செய்து கொள்ளுங்கள் என்பதேயாகும். இதன் அடுத்த நிலை,ஒருவர் உள் உறையும் அந்த தெய்வீகமே, அதே அளவில் அனைவருள்ளும் உறைகிறது என்ற சத்தியத்தை உணருவதாகும். இறைவனை , மற்றவற்றில் இருந்து வேறு பட்டதாகத் தோன்றச் செய்யும் திரை அல்லது தடை, மாயையினால் பிறந்ததே என்பதை உணர்ந்து, அதை விலக்குவதற்கான எல்லா முயற்சிகளையும் நீங்கள் செய்ய வேண்டும். அதன் பிறகே, வேத வாக்கியமான, அஹம் ஏவ இதம் ஸர்வம் – நானே இவை அனைத்தும் என்பதை – அதாவது அனைத்து ஜீவ ராசிகளின் ஒருமையை, நீங்கள் அனுபவிக்க முடியும்.