இந்த உலகில் ப்ரேமையுடன் ஆற்றப் படும் எந்தச் செயலும் ஒரு சாதனையே. ப்ரேமையற்ற இதயம், தீமையின் ஸ்வர்க்கமாக இருப்பது நிச்சயம்.நீங்கள் எதைச் செய்தாலும், ப்ரேமையுடன் செய்யுங்கள்.கோபிகைகள், ‘’ ஓ கிருஷ்ணா ! நீ உனது இனிமையான புல்லாங்குழலை இசைத்து, பாலைவனமான ப்ரேமையற்ற இதயங்களில் ப்ரேமையின் விதைகளை, விதைத்திடுவாயாக. ப்ரேமையின் மழை பூமியில் பொழிந்து, ப்ரேமையின் ஆறுகள் இடையறாது பெருக்கெடுத்து ஓடட்டும் ‘’ என்று பிரார்த்தித்தார்கள். எனவே, உங்கள் நாளை ப்ரேமையுடன் தொடங்குங்கள், ப்ரேமையுடன் கழியுங்கள்,ப்ரேமையால் நிரப்புங்கள், ப்ரேமையுடன் முடியுங்கள் – இதுவே இறைவனை அடைவதற்கான வழியாகும். நீங்கள் இப்படிப் பட்ட புனிதமான மற்றும் உத்வேகமளிக்கும் வாசகங்களை தினமும் படிக்கிறீர்கள், அவற்றை விளம்பரப் பலகைகளில் பார்க்கிறீர்கள்; ஆனால் இவை உங்கள் இதயங்களில் பதிகின்றனவா? இனிப்புகளின் பல பெயர்களை வெறுமனே படிப்பதன் மூலம் உங்கள் பசி தீர்ந்து விடுமா? அதைப் போலவே, புனிதமான வாசகங்களை வெறுமே படிப்பதன் மூலமோ அல்லது கேட்பதன் மூலமோ, அது உங்களது மனதைப் பரிசுத்தப் படுத்த முடியாது. அவற்றைக் கடைப்பிடித்து, அதன் பலன்களை அனுபவித்துப் பாருங்கள் !