நீங்கள், சமுதாயத்தில பிறந்து, அதில் வளர்ந்து, அதில், பெயரும் , புகழும் சம்பாதிக்கிறீர்கள். நீங்கள் , சமுதாயத்திலிருந்து பல திறன்களைக் கற்றுக் கொண்டு, புத்தியை அபிவிருத்தி செய்து கொண்டு, அதன் மூலம், புத்தி கூர்மையானவர் என்ற மதிப்பைப் பெறுகிறீர்கள். நீங்கள் இந்த விலைமதிப்பற்ற பரிசுகளை எல்லாம், சமுதாயத்திலிருந்து பெற்றுள்ளீர்கள். இளைஞர்களே, இளம் பெண்களே, உங்களில் யாராவது, எந்த சமுதாயத்திலிருந்து, நீங்கள் பெயரும், புகழும் பெற்றீர்களோ, அதற்கு ,நன்றி தெரிவிக்க வேண்டும் என்று சிந்தித்து இருக்கிறீர்களா ? நீங்கள் பெற்ற , நல்லவற்றிற்காக, நீங்கள் சமுதாயத்திற்கு என்ன சேவை ஆற்றி இருக்கிறீர்கள்? நீங்கள், இந்த சமுதாயத்திற்கு, எவ்வாறு உங்கள் நன்றியைத் தெரிவித்து இருக்கிறீர்கள் ? இந்தக் கேள்விகளை உங்களை நீங்கள் கேட்டுக் கொள்ளுங்கள்; உங்களுக்கு, இல்லை என்ற பதில் தான் கிடைக்கும். நன்றியின்மை தவறானதாகும். ஒவ்வொரு மனிதனுக்கும், நன்றியுணர்வு இருக்க வேண்டும். பயனடைந்த ஒருவர், நன்றியை கண்டிப்பாக வெளிப்படுத்த வேண்டும். தனது நன்றி உணர்வின் வெளிப்பாடாக, தன்னலமற்ற சேவையை ஒருவர், சமுதாயத்திற்கு ஆற்ற வேண்டும்; இது ஒருவரது தலையாய கடமையாகும்.