யமராஜன் ஒவ்வொருவரது உயிரையும், பாசக் கயிற்றைப் பயன்படுத்தி எடுத்துச் செல்கிறான் என்ற கூறுவார்கள். ஒவ்வொருவரது உயிரையையும் பறிக்கும் இந்தப் பாசக் கயிறு எது? பற்றுதலும்,சுயநலமுமே, ஒவ்வொருவரது முடிவையும் கொண்டு வரும் கயிறுகளாகும். இறைவன், இன்பத்தையும், துன்பத்தையும் எங்கோ வெளியிலிருந்து கொண்டு வருவதில்லை ! நமக்குத் துன்பங்களோ அல்லது இன்பங்களோ, பிறரிடமிருந்தோ அல்லது வெளியிலுள்ள விஷயங்களாலோ கிடைக்கிறது என்று எண்ணுவது தவறே! நாமே தான் , நம்முடைய இன்பத்தையோ அல்லது துயரத்தையோ ஏற்படுத்திக் கொள்கிறோம். இதைப் புரிந்து கொண்டு விட்டால், நாம் பயப்பட வேண்டிய அவசியமில்லை. எப்போது , நாம் பரிசுத்தமான ப்ரேமை நிறைந்தவர்களாக இருக்கிறோமோ, அப்போதே நாம் பயமற்றவர்களாக இருப்போம். பாபம் எங்குள்ளதோ, அங்கு பயம் இருக்கும். எனவே, ஒருபோதும் தீய செயல்களுக்கு இடம் கொடுக்காதீர்கள். எந்தச் சிறிய செயலைச் செய்தாலும், முதலில், அது நல்லதா அல்லது கெட்டதா எனப் பகுத்தறியுங்கள். தேவையான நேரத்தை எடுத்துக் கொள்ளுங்கள். அவசரப்படாதீர்கள். ‘’ அவசரப் படுவது வீணே. வீணடிப்பது, கவலையைத் தரும். எனவே அவசரப்படாதீர்கள்’’ எது நடந்தாலும், சாந்தமாக இருங்கள். இறைவனைத் துதித்து, அவன் பால் ப்ரேமையை அபிவிருத்தி செய்து கொள்ளுங்கள். அதுவே, அனைத்து துக்கத்தையும் நீக்கும் தெய்வீக அம்ருதமாகும்.