வாழ்க்கை என்பது, பிறப்பிற்கும் இறப்பிற்கும் நடுவே உள்ள இடைவெளியும், பிறந்த அந்தத் தருணத்திலிருந்தே இறப்பை நோக்கிச் செல்லும் ஊர்வலமுமே அன்றி வேறில்லை.புலிகள் காட்டுப் பாதையில் புதரில் ஒளிந்து கொண்டிருக்கும்; தங்களது இரையைக் கண்டவுடனேயே, சரியான சமயத்தில், அவற்றின் மீது பாய்ந்து, அவற்றைக் கவ்வி ,தங்களது குகைக்கு இழுத்துக் கொண்டு செல்லும்.அதைப் போலவே, இறப்பும் ஒவ்வொரு ஜீவராசிக்காகவும் காத்துக் கொண்டு இருக்கிறது. அது தனது கூர்மையான நகங்களுடன் உங்களைப் பின் தொடர்ந்து வந்து, குறிப்பிட்ட தருணத்தில் பாய்ந்து, உயிரின் கயிறுகளை துண்டித்து விடுகிறது. இந்த கடினமான வாழ்க்கைப் பயணத்தில், இறைவனையே உங்களது விளக்காக வைத்துக் கொண்டால், நீங்கள் அடைய வேண்டிய இடத்தை பத்திரமாகச் சென்றடைவீர்கள்.இன்றிலிருந்து, ஆன்மீக சாதனையான, நீங்கள் தேர்ந்தெடுத்த இறைவனின் திருநாமஸ்மரணையை எப்போதும் செய்வதாக முடிவு எடுத்துக் கொள்ளுங்கள் ! பயனளிக்கும் மருந்துகளை வரவேற்பதைப் போல, இதிஹாஸங்களைப் படிக்கும் பழக்கத்திற்கு வரவேற்பு அளியுங்கள் ! அவை, மனதில் வேறூன்றியுள்ள நோய்களைக் குணமாக்கும். மந்திரங்களை, மனதின் அச்சங்கள், புலன்களின் இயலாமைகள் மற்றும் உள்ளுணர்வுகளின் குறைபாடுகள் ஆகியவற்றைத் தீர்த்து வைக்கும் மருந்துகளாக ஏற்றுக் கொள்ளுங்கள். அவை, உங்களது திருஷ்ட்டியைத் தெளிவாக்கி, உங்களை இறைவனின் பாதையில் செல்ல வலுவானவராகவும், நிலையானவராகவும் ஆக்கி விடும்.