பிரசித்தி பெற்ற கிரிக்கெட் மற்றும் டென்னிஸ் விளையாட்டுப்போட்டிகளில் இன்று, இலட்சக் கணக்கில் பணம் புரள ஆரம்பித்து விட்டது. விளையாட்டுக்கள், மனிதப் பண்புகளுக்கு இடமே இன்றி, வியாபார மயமாக ஆகி விட்டதால், சாந்தி, ஒரு விபத்துக்குள்ளாகி விட்டது. தேச,மொழி மற்றும் மத வேறுபாடுகளுக்கு அப்பாற்பட்டு ,நல்ல ஆரோக்யம், சாந்தி மற்றும் ஆனந்தத்தை அனுபவிப்பதற்கு, விளையாட்டுப் போட்டிகள், ஒரு ஆன்மீக ஒருமை உணர்வோடு, பயிலப்பட வேண்டும். அனாதி காலத்திலிருந்தே, விளையாட்டுப் போட்டிகள், குறிப்பாக, ஆரோக்யத்தைப் பேணி, ஆனந்தத்தை அனுபவிப்பதற்காகவே ஏற்பட்டவை. இன்று இந்த குறிக்கோள்கள் மறக்கப் பட்டு,வியாபார நோக்கங்கள் மற்றும் சுய நலங்களால் ,மாற்றப் பட்டுள்ளன.மக்கள் உடல் பற்றைப் போற்றுவது, ஒருவரது மனப்பாங்கை மிகவும் குறுகியதாகவும், குறைவானதாகவும் ஆக்கி விட்டது. இதன் காரணமாக, சாந்தி,சந்தோஷங்களை இழந்து விட்டோம். அன்றாட வாழ்க்கையின் ஒவ்வொரு செயலிலும், நீங்கள் இளகிய மனத்தினராகவும், ஒற்றுமை மற்றும் இசைவோடு ஒத்துழைப்பவராகவும் இருக்க வேண்டும். அனைத்து ஜீவ ராசிகளிலும் உறையும் ஆத்மா ஒன்றே என்பதை உணர்ந்து ஒருமை மற்றும் சமத்துவ உணர்வை அபிவிருத்தி செய்து கொள்ள வேண்டும். பின்னர், உங்களுள் உள்ள தெய்வீகம் வெளிப்பட்டு, உங்களது மனித இயல்பு தெய்வீகமானதாக ஆகி விடும்.