இறைவனது திருநாமத்தை உங்கள் நாக்கு உச்சரிக்கும் போதும், உங்கள் மனம் அவனது திருவுருவத்தை போற்றும் போதும், இவை வெறும் இயந்திரமயமான வழக்கமாகச் சீர்குலைந்து விடக்கூடாது; அதேசமயம், திருநாமத்தின் பொருளும் திருவருவத்தின் உள்ளடக்கமும், உங்களது உள்ளுணர்வை ஊக்குவித்து ஒளியேற்ற வேண்டும். வெற்று வழக்கத்திலிருந்து வெளியே வாருங்கள்; ஆராதனை மனப்பாங்கில் ஆழமாகவும், ஆத்மார்த்தமாகவும் உங்களை ஈடுபடுத்திக் கொள்ளுங்கள். அனைத்து மனித செயல்பாடும், அர்ப்பணிக்கப்பட்டு, இயக்கப்பட வேண்டியவையான சாந்தி மற்றும் திருப்தியைப் பெறுவதற்கான வழி, அதுவேயாகும். பருத்திச் செடியை நட்டு விட்டு மாம்பழத்தை நீங்கள் எதிர்பார்க்க முடியுமா? இதை இப்போதே செய்யுங்கள்! அனைத்து பிரச்சனைகளின் பிரச்சனையான, சாந்தி மற்றும் திருப்தியைப் பெறுவதே, அவசரத் தேவையாகும். உங்களுக்கு இப்போது பசி எடுத்தால், நீங்கள் நாளைக்குச் சாப்பிடலாம் என்று இருக்க முடியாது; அதே போல, நாளைக்குப் பசிக்குமே என்ற பயத்தில் நீங்கள் இப்போதே சாப்பிடவும் முடியாது. பசி எடுக்கும்போது சாப்பிடுங்கள் – அதற்கு முன்போ அல்லது பின்போ அல்ல. இப்போதே நாடுங்கள்; இப்போதே போற்றுங்கள்; இப்போதே வெல்லுங்கள்.