ஒவ்வொருவரும் சந்தோஷமாக இருப்பதில் ஆர்வமாக இருக்கிறார்கள். ஒவ்வொருவரும் குறைவாக உழைத்து, அதிகமாக லாபமடைவதையும், சிறிதே கொடுத்து,நிறைவாகப் பெறுவதையுமே விரும்புகிறார்களே அன்றி, ஒருவரும், குறைவாக விரும்பி, அதிகமாகக் கொடுக்கும் மாற்றுப் பாதையை பரிசோதித்துப் பார்ப்பதில்லை. ஒவ்வொரு ‘’ ஆசையும்’’ , ‘’முன்னேற்றத்தைத்’’ தடுக்கும் ஒரு கை விலங்கே. ஒரு இளம் கல்லூரி மாணவர் ,இரண்டு கால்களில், தனது இஷ்டப்படி சுற்றலாம்; திருமணம் செய்து கொண்டவுடன் அவர் நான்கு கால்கள் உள்ளவர்களாக ஆகி விடுகிறார் ! ஒரு குழந்தை அவரை , ஆறு கால்கள் உடையவராக ஆக்கி விடுகிறது; அவர்கள் இயங்கக் கூடிய வரம்பு குறுகி விடுகிறது. அதிகமான கால்கள் இருந்தால், குறைவான வேகமே; நூறு கால்கள் கொண்ட ஒரு பூச்சியால் தவழத்தான் முடியும் ! சோஃபாக்கள் மற்றும் நாற்காலிகள், கட்டில்கள் மற்றும் மேஜைகள் ஆகியவற்றைக் குவித்துக் கொள்வது, அறையில் நடப்பதை மெதுவாகவும், அபாயகரமானதாகவும் ஆக்கி விடுகிறது. ஆசைகளைக் குறைத்துக் கொண்டு, எளிமையாக வாழுங்கள் ;அதுவே சந்தோஷத்திற்கான வழியாகும்.பற்றுதல், தன்னுடன்,துன்பத்தையும் கூடவே கொண்டு வருகிறது ! இறுதியில், இறப்பு, அனைத்தையும், அனைவரையும் விட்டு விட்டுச் செல்லுமாறு பணிக்கும் போது, நீங்கள் துக்கத்தில் ஆழ்ந்து விடுகிறீர்கள் ! தண்ணீரின் மேல் உள்ள தாமரையைப் போல இருங்கள்; அதன் மேல், அதனுள் அல்ல ! தாமரை வளருவதற்குத் தண்ணீர் தேவை தான்; ஆனால் தண்ணீர், தன்னை ஒரு சொட்டுக் கூட நனைப்பதற்கு அது விடுவதில்லை !