களைகள் நீக்கப் பட்டு, நன்கு உழப்பட்ட நிலம் போன்ற இதயத்தில் தான், தெய்வத்தின் மீதான ப்ரேமை வளர முடியும். எனவே, உங்கள் இதயத்தை, இறை நாமஸ்மரணை கொண்டு தயார் செய்யுங்கள். இது தான், சித்த சுத்தி யோகா- அதாவது சித்தத்தைத் தூய்மைப் படுத்தும் பாதை, எனப்படுகிறது. ஒவ்வொரு விநாடியையும், இறைவனது திருநாமத்திலிருந்து எழும் தெய்வீக மின்னோட்டத்தால், சக்தி பெறச் செய்யுங்கள்.இறைவனது திருநாமத்தை, உங்கள் நாவிலும், மூச்சிலும் என்றும் கொண்டிருங்கள். அது, ஒவ்வொன்றிலும், ஒவ்வொரு சிந்தனை மற்றும் நிகழ்வினிலும் அவற்றின் உட்கருவாக, அவனது ரூபத்தை வெளிக் கொண்டு வரும். அது, உங்களுக்கு அவனது நட்பு வட்டத்தையும், தோல்வியே அற்ற , அவனது சக்தி மற்றும் ஆனந்தத்துடன் உறவையும் ஏற்படுத்தி விடும். அதுவே, உங்களுக்கு மிக அதிகமான பயனளிக்கும் ஸத் ஸங்கமாகும். உங்களுள் உறையும் தெய்வத்துடன் உரையாடி, அவனிடமிருந்து ஆற்றலையும், ஆறுதலையும் பெறுங்கள். உங்களது முன்னேற்றத்தில் மிகுந்த அக்கறை கொண்ட குரு அவனே. உங்களுக்கு வெளியில், ஆஸ்ரமங்கள் அல்லது புனிதத் தலங்களில், குருவைத் தேடாதீர்கள். உங்களுள் உறையும் தெய்வமே மாதா, பிதா, குரு மற்றும் நண்பன் ஆவார். ப்ரேமையே தெய்வம், ப்ரேமையில் வாழுங்கள்; அதுவே ஆன்றோர்கள் காட்டிய வழியாகும்.