உங்கள் மனம் உலகியவற்றால் நிரம்பி இருப்பதோடு கூடவே, உங்கள் வயிற்றிற்காகவும் கூட, நீங்கள் அதிகமான சக்தி மற்றும் நேரத்தைச் செலவிட நேருகிறது. உங்களது ஆசைகளும், தேவைகளும்,அவற்றைப் பூர்த்தி செய்வதற்கான உங்களது திறனை விடவே அதி வேகமாக, பெருகிக் கொண்டே போகின்றன; உங்களது கனவுகளும்,உங்களை பொய்யான வெற்றிகள் மற்றும் அபத்தமான சாகசங்களுக்கு இட்டுச் செல்லும், அதீத கற்பனை ரீதியானதாகவே இருக்கின்றன. பொருட்களாலான இந்த உலகத்தை ஆராய்வதிலேயே ஆழ்ந்து இருப்பதனால், நீங்கள் ஆத்மா, இனிமை மற்றும் உன்னதமானவை ஆகியவற்றைப் பற்றிய அனைத்து உணர்வுகளையும் இழந்து விட்டீர்கள். இப்படிப் பட்ட நிலையில், சத்யம் என்பது அகராதியில் உள்ள மற்றும் ஒரு வார்த்தையாக மட்டுமே ஆகி விட்டது. கருணை என்பது, அர்த்தமற்ற கேலிக்குரிய ஒன்றாக ஆகி விட்டது. மக்கள், தன்னம்பிக்கை அற்றவர்களாக இருக்கிறார்கள். ஒரு மிக துச்சமான எரிச்சல் ஏற்பட்டால் கூட, நீங்கள் உடனேயே ஒரு கொடிய மற்றும் காட்டு விலங்காக மாறிவிடுகிறீர்கள். பணிவு, பொறுமை,பயபக்தி- இவை வெகு தொலைவில் உள்ள சுடர் இல்லாத தீபம் போல, மதிப்பற்றதாக ஆகி விட்டது. இன்றைய பயங்கரமான இருளில், உங்களுக்கு இருக்கும் ஒரே நம்பிக்கை , இறைவனது திருநாமமே. த்வேஷம் மற்றும் அச்சத்தால் இருளாகி விட்ட, கவலை மற்றும் திகிலால் கலங்கியுள்ள, இந்த சூறாவளி சூழ்ந்த ஸம்ஸாரம் எனும் கடலில் உங்களை ஏற்றிக் கொண்டு கடக்க வல்ல தோணி , அது ஒன்று தான். அதனை முழு ஆர்வத்துடனும்,உறுதியான நம்பிக்கையுடனும் பற்றிக் கொள்ளுங்கள்.