கோடிக்கணக்கானோர், இறைநாமத்தை ஜபிக்கின்றனர்;ஆனால் வெகு சிலருக்கே நிலையான நம்பிக்கை இருக்கிறது!, வெகு சிலரே, உள்ளுறையும் தெய்வீகமான ஆத்மாவை தியானிப்பதால் பெறக்கூடிய பேரானந்தத்தை நாடுகின்றனர். சிலர் , ஜபம் செய்வது அவர்களது வலி, துன்பம் அல்லது பேராசையைத் தீர்க்கவில்லை எனக் குறை கூறுகின்றனர் ! இது ஏனென்றால், அவர்கள் இயந்திர மயமாக பிரார்த்தனைகளை ஓதுவதோடு, பழக்கம், அல்லது சமூக ஒப்புதல் அல்லது ஆன்மீகமானவர் என்ற புகழைப் பெறுவது, ஆகியவற்றிற்காக தியானம் செய்கின்றனர்.ஆத்ம வித்யாவை வெளிப்படுத்தும் , விலை மதிப்பற்ற சாஸ்திரங்களைக் கற்றவர்கள், அவர்கள் வாய் வழியாகத் திரும்பத் திரும்பக் கூறுவதை கடைப்பிடிக்காமலும், அவர்களது வலியுறுத்தல்களில் அவர்களுக்கே நம்பிக்கை இல்லாமலும் இருந்தால், அவர்கள் அதிலிருந்து என்ன பயன் பெற முடியும்? சந்தேகம் எனும் நோய், சாஸ்திரங்களின் மீது அவர்களுக்கு உள்ள பக்திப் பரவச மனப்பாங்கைச் சிதைத்து விடுகிறது. அவர்கள் சாஸ்திரங்களை, பணம் அல்லது புகழ் ஈட்டும் கருவிகளாக மதிப்பிழக்கச் செய்து விடுவதோடு, அவற்றின் மூலம் பணமோ அல்லது புகழோ கிடைக்காவிடில் ஏமாற்றமும் அடைந்து விடுகிறார்கள். அவர்கள் , உலகியலான தொழில் செய்பவர்களைக் கண்டு பொறாமை கொள்கிறார்கள். ஆனால், அவர்கள் மட்டும் நம்பிக்கையை அபிவிருத்தி செய்து கொள்வார்களேயானால், அந்த சாஸ்திரங்களே, அவர்களை போஷித்து, ஒரு சந்தோஷமான மற்றும் திருப்தியான வாழ்க்கையை அவர்களுக்கு கண்டிப்பாகத் தந்து விடும்.