செல்வத்தை அன்றி. ஒழுக்கத்தை குவிப்பதிலும், கட்டிக் காப்பதிலும், வாழ்க்கையைக் கழிக்க வேண்டும்.பண்டைய காலத்தின் மிகச் சிறந்த ஒழுக்க சீலர்களின் கதைகளைக் கேட்டு, அவர்களது இலட்சியங்கள், உங்களது இதயங்களின் பதியும் வண்ணம், அவற்றை சிந்தித்து, அசை போடுங்கள். இந்நாளில் தனிமனிதன், குடும்பம், சமூகம் மற்றும் சமுதாயம் ஆகியவற்றிலும், பொருளாதாரம், அரசியல், ஏன் ஆன்மீகத் துறைகளிலும் கூட, நல்லொழுக்கம் என்பது அரிய ஒன்றாக ஆகிக் கொண்டு வருகிறது. அதைப் போலவே,நல்லொழுக்கம் வளரும் நிலமான கட்டுப்பாடும் சீர் குலைந்து விட்டது. அனைவரையும் மதியுங்கள். அவர்களது அந்தஸ்து, பொருளாதார நிலை அல்லது ஆன்மீக முன்னேற்றம் ஆகியவை எப்படி இருந்தாலும், ஒவ்வொருவரும், மதிக்கப் படவில்லை என்றால், வாழ்க்கையில் சாந்தி, சந்தோஷங்கள் இருக்க முடியாது. உங்களுள் உறையும் அதே ஆத்மா தான், அடுத்தவர் என்ற பாத்திரத்தை ஏற்று நடிக்கிறது என்ற உறுதியான நம்பிக்கையால் மட்டுமே, இப்படிப் பட்ட மரியாதையைத் தட்டி எழுப்ப முடியும். பிறருள்ளும் அந்த ஆத்மாவைக் கண்டு, உங்களுக்கு உள்ளது போலவே, அவர்களுக்கும் கூட பசி, தாகம்,தாபம் மற்றும் ஆசைகள் இருக்கின்றன என்பதை உணருங்கள்; அனுதாபம் மற்றும் அவர்களுக்கு சேவை ஆற்றுவதற்கான ஏக்கத்தை அபிவிருத்தி செய்து கொண்டு, பயனுள்ளவர்களாக இருங்கள்.