ஒவ்வொருவரும் இன்று, சுக, சௌகரியங்களையே நாடுகிறார்கள்; அது தான் அனைத்தையும் விட முக்கியமானதாக ஆகி விட்டது போலத் தோன்றுகிறது. நீங்கள் மக்களிடம், எதை வேண்டுமானாலும், எவ்வளவு வேண்டுமானாலும் தின்னலாம் என்று சொன்னால், அவர்கள் களிப்படைகிறார்கள்; அதன் விளைவாக ஏதாவது ஒரு வியாதி வரும் என்று நீங்கள் அதனுடன் கூடவே கூறினால், உங்களை அவர்கள் ஒரு எதிரி போலக் கருதுவார்கள் ! எந்தப் பத்தியமும் அல்லது கட்டுப்பாடும் ஜனரஞ்சகமானதல்ல. ஆனால், கட்டுப்பாடு மற்றும் விதிமுறைகளின் மூலம் தான் சக்தி கிடைக்கிறது. கஷ்டங்களை ஏற்றுக் கொள்வதன் மூலமே மனிதர்கள் வலிமை மற்றும் தாங்கும் சக்தி உள்ளவர்களாக ஆகிறார்கள். போராடுங்கள், வெற்றி பெறுவதற்கான சக்தியை நீங்கள் பெறுவீர்கள். கண்ணுக்குப் புலப்படாதவற்றில், கண்ணுக்குத் தெரிவதன் ஆதாரத்தைத் தேடுங்கள். உயர்ந்த அடுக்கு மாடிக் கட்டிடம், பூமிக்குள் ஆழமாக உள்ள ஒரு அஸ்திவாரத்தைக் கொண்டுள்ளது. இந்த உலகம், கண்ணுக்குப் புலப்படாத, பரமாத்மாவை ஆதாரமாகக் கொண்டுள்ளது.உங்கள் உடல் இறைவன் பரிசாகத் தந்த ஒரு கருவியாகும்; அதைக் கொண்டு, நீங்கள் தேடி, ஆராய்ந்து, அந்த ஆதாரத்தைக் கண்டு பிடிக்க முடியும்.