முந்தைய பிறவியின் கர்ம பலனை இந்தப் பிறவியில் அனுபவித்தே ஆக வேண்டும்; எவ்வளவு இறை அருள் இருந்தாலும்,அது உங்களைக் காப்பாற்ற முடியாது என நீங்கள் கூறலாம். யாரோ ,அவ்வாறு நம்புமாறு உங்களுக்குப் போதித்து இருக்கிறார்கள் என்பது தெளிவாகிறது. நீங்கள் அவ்வாறு கர்மாவினால் அவதிப்படத் தேவை இல்லை என நான் உத்திரவாதம் அளிக்கிறேன். கடுமையான வலி உங்களை வருத்தும் போது,மருத்துவர் உங்களுக்கு , ஒரு மார்ஃபின் ஊசி போடுகிறார்; உங்கள் உடலில் அந்த வலி இருந்தாலும் கூட, அதை நீங்கள் உணருவதில்லை.இறை அருளும் அந்த மார்ஃபின் ஊசி போன்றதே; நீங்கள் அதை அனுபவித்தாலும், அந்த வலி உங்களுக்குத் தெரிவதில்லை ! நீங்கள் அனுபவிக்க வேண்டிய கர்மாவின் கடுமையை, இறை அருள் நீக்கி விடுகிறது.எவ்வாறு தேதி குறிப்பிடப் பட்ட மருந்துகள், அந்த ஒரு குறிப்பிட்ட தேதிக்குப் பின்னர், பயனற்றுப் போகின்றனவோ, அதே போல இறை அருளால், கர்மாவின் பாதிப்பு, அந்தக் கணக்கு இருந்த போதிலும், இல்லை என்று ஆகி விடுகிறது ! எனவே, ‘’ லலாட லிகிதத்தை ‘’( தலை எழுத்து) பலனிழக்கச் செய்ய முடியாது என்று கூறுவது தவறாகும். இறை அருள், எதையும் மிஞ்சக் கூடியதாகும்; அதன் பாதையில் எதுவும் நிற்க முடியாது.அது ‘’ ஸர்வ வல்லமை பொருந்திய இறைவனுடைய’’ அருளாகும் என்பதை நினைவில் கொள்ளுங்கள்.