தெய்வீக ப்ரேமையின் திருவுருவங்களே ! இன்றைய நாளை, நீங்கள் சுவாமியின் பிறந்த நாளாகக் கொண்டாடி, பல நிகழ்ச்சிகளை உற்சாகத்துடன் நடத்துவதன் மூலம் தெய்வீக ஆனந்தத்தைப் பெற்றுக் கொண்டு இருக்கிறீர்கள்; ஆனால் உண்மையில், இதை ஒரு தனிப்பட்ட சிறப்பு வாய்ந்த நாளாகக் கருத வேண்டும் என்ற எந்த விருப்பமும் எனக்கு இல்லை! இப்படிப் பட்ட ஒரு விருப்பம் என்றும், இந்த அல்லது எந்தப் பிறவியிலும் எனக்கு இருந்ததில்லை.இந்த பிரபஞ்சத்தில், எவ்வளவு பெரிதாகவும் அல்லது சிறிதாகவும் எது இருந்தாலும், அதன் தேவை எனக்கு இல்லை ! நான் ஒரே ஒரு குறிக்கோளுடன் தான் வந்துள்ளேன்; உங்கள் ஒவ்வொருவருக்கும், உங்களது உண்மை நிலையின் மர்மம் மற்றும் உங்களது வாழ்வின் குறிக்கோளை வெளிப்படுத்திக் காட்டுவதற்கே ! நீங்கள் எனக்கு முன்னால் படைக்க வேண்டியது, உள்ளார்ந்த தூய்மையான ப்ரேமையையே. நீங்கள் அதை எனக்குத் தரும்போது, நான் ஆனந்தம் அடைகிறேன் ! இன்றிலிருந்து, உங்களது நாட்களையும், வருடங்களையும், துன்பத்தில் வாடுவோருக்கு உதவி, அவர்களிடம் பரிவு காட்டும் செயல்களில் செலவிட்டு, உங்களது இந்த மனித வாழ்க்கையை அர்த்தமுள்ளதாகவும், பயனுள்ளதாகவும் ஆக்கிக் கொள்ளுங்கள். அதற்கு ஏற்றவாறு நடந்து உங்களது வாழ்க்கையின் குறிக்கோளை அடையுங்கள். உங்களுக்கு எனது ஆசிகள் !