புலனடக்கத்தை அபிவிருத்தி செய்து கொள்வதன் மூலம், உங்களது வாழ்க்கையைப் புனிதமாக்கிக் கொள்ளுங்கள். ஜனங்களுக்கு தங்களது புலன்களின் மீது கட்டுப்பாடும்,அவர்களது ஆசைகளுக்கு ஒரு வரம்பும், இல்லாததாலேயே, இன்று சமுதாயத்தில் அதிகமான குழப்பமும், கலவரமும் நிலவுகிறது. பல மனிதர்கள் சமுதாயத்தில் இன்று விலங்குகளைப் போலத் திரிகின்றனர். நீங்கள் அவ்வாறு ஆகி விடக் கூடாது. எப்போதெல்லாம் தீய சிந்தனைகள் உங்களுள் எழுகின்றனவோ, அப்போது, நீங்கள் உங்களுக்கே, நீங்கள் ஒரு மனிதரே அன்றி ஒரு விலங்கு அல்ல, என்று நினைவு படுத்திக் கொள்ளுங்கள். கோபம் , ஒரு விலங்கு குணம். விலங்குகள் கோபப்படும் போது, அவை ஒன்றுக்கொன்று சண்டை போட்டுக் கொள்ளும். துரதிருஷ்ட வசமாக, இன்று, மனிதர்கள், விலங்குகளைப் போல, தங்களுக்குள் சண்டை போட்டுக் கொள்கின்றனர். விலங்குகளுக்காவது ஒரு காலமும், ஒரு காரணமும் இருக்கின்றது; ஆனால் மனிதர்களுக்கோ காரணமும் இல்லை, காலமும் இல்லை; அவர்கள் மிருகங்களை விட மோசமாக நடந்து கொள்கிறார்கள். ஒரு மனிதராக இருப்பதால், நீங்கள் மனிதப் பண்புகளை வளர்த்துக் கொண்டு, கோபப் படாமல் இருங்கள் ! கோபம் உங்களை ஆக்ரமித்துக் கொண்ட போதிலும், நீங்கள் அமைதியாகவும், சாந்தமாகவும் இருங்கள். உங்களது அமைதியை இழக்காதீர்கள், நீங்கள் சாந்தத்தை வளர்த்துக் கொண்டால், ஒருபோதும் கலக்கமும், குழப்பமும் அடைய மாட்டீர்கள்.