காலம், தேசம் எதுவாக இருந்தாலும், சத்யம் என்றும் மாறாதது. நீங்கள் எங்கு இருந்தாலும், சத்யம், சத்யமே, ப்ரேமை, ப்ரமையே !உங்களிடம் ப்ரேமை இருந்தால், சத்யம் தானாகவே உங்களது ஒரு பாகம் ஆகி விடும்; அதே போல சத்யம் உங்களிடம் இருந்தால், தானாகவே ப்ரேமை உங்களது ஒரு பாகமாக ஆகி விடும்.நீங்கள் அனைவரும் ப்ரேமையுடன் பிறந்தவர்களே. ஆனால், துரதிருஷ்ட வசமாக, நீங்கள் வளர வளர, உங்களுள் உள்ள தன்னலமற்ற ப்ரேமை படிப்படியாகக் குறைய ஆரம்பித்து,த்வேஷமும், பொறாமையும் அதிகமாகத் தொடங்குகின்றன. பொறாமை ஒரு மிகத் தீய குணமாகும். அது பிறருக்குத் தீங்கு இழைப்பதோடு அல்லாமல், உங்களுக்கே கூட தீங்கை விளைவிக்கும்.எனவே, இப்படிப் பட்ட தீய குணங்கள் , உங்களுள் துளிர் விட ஒருபோதும், அனுமதிக்காதீர்கள். நற்குணங்களான ப்ரேமை மற்றும் சத்யத்தை வளர்த்துக் கொள்ளப் பாடுபடுங்கள். அதன் பிறகே, நீங்கள் தடையற்ற சாந்தியை அனுபவிக்க முடியும். எப்போது, இறைவன் உங்களுள் உறைகிறான் மற்றும் நீங்களே இறைவன்,உங்கள் உடலே இறைவனின் ஒரு ஆலயம் என்ற உறுதியான நம்பிக்கையை, நீங்கள் வளர்த்துக் கொள்கிறீர்களோ, அதன் பின்னர், உங்களைத் தொந்தரவு செய்யும், குணங்களான கோபம்,பொறாமை மற்றும் தற்பெருமை போன்றவை ஏற்பட எந்த வாய்ப்பும் இல்லை. எனவே, அன்பிற்கு உரியவர்களே ! ப்ரேமையையும், பரிவையும் அபிவிருத்தி செய்து கொள்ளுங்கள்.