என்னைப் பொறுத்த மட்டில், என்னை இகழ்பவர்களுக்கு நான் அதிகமாகவே என் அருளைப் பொழிகிறேன். ஏனெனில், என்னைப் பற்றிய அவதூறுகளைப் பரப்புவர்கள் அதிலிருந்து ஆனந்தத்தைப் பெறுகிறார்கள்; அவர்களது குதூகலத்திற்கும், சந்தோஷத்திற்கும் நான் ஒரு காரணம் என்பதால், நான் மகிழ்ச்சி அடைகிறேன் ! நீங்களும் கூட இத்தகைய வாதத்தை ஏற்றுக் கொண்டு, யாருக்காவது உங்களை இகழ்வதால் சந்தோஷம் கிடைக்கும் என்றால்,அதனால் நீங்கள் மகிழ்ச்சி அடைய வேண்டும். அந்த மனிதரை திருப்பி இகழ்வதன் மூலம் பதிலளிக்காதீர்கள் ; பின்னர் அந்த த்வேஷச் சங்கிலி, உங்கள் இருவரையும் பிணைத்து,கீழே வீழ்த்தி விடும்.வாழ்க்கையே ஒரு சோகக் கதையாகி விடும்.கோபத்தை , சகிப்புத் தன்மையால் வெல்லுங்கள்; த்வேஷத்தை ப்ரேமையால் வெல்லுங்கள். கோபத்திற்குப் பதிலடியால் இரை போடாதீர்கள்;த்வேஷத்திற்கு, ஆத்திரத்தால் தீனி அளிக்காதீர்கள். இந்தத் தருணம் வரை, உங்களிடையே நடந்த அனைத்தையும் மறந்து, மன்னித்து விடுங்கள்; ப்ரேமை மற்றும் சகோதரத்துவத்தின் புதிய அத்தியாயத்தைத் தொடங்குங்கள். நற்குணமே தெய்வீகம். பிறரைப் பற்றி அவதூறாகப் பேசாதீர்கள்; உங்கள் நேரத்தை அன்பைப் பொழிவதிலும், பரஸ்பரம் உதவுவதிலும் கழியுங்கள்; அன்பு,அன்பு,அன்பு, முதலில் அன்பு - வாழ்வு உள்ளவரை அன்பு செலுத்துங்கள்.