‘’ நான்’’, ‘’ எனது’’ என்ற வலையில் சிக்கிக் கொள்ளாதீர்கள். உங்களது அஹங்காரம் அடங்கிய அந்தத் தருணத்திலேயே, இரண்டு விளைவுகள் உடனேயே தொடர்கின்றன; துக்கத்திலிருந்து விடுதலை, சந்தோஷத்தைப் பெறுவது ! இந்த தலைசிறந்த முழுமையைப் பெறுவதற்கு, நீங்கள் இடையறாது ஒன்றில் மேல் ஒன்றாய் முயற்சிகள் எடுக்க வேண்டும். நற்கருமங்களான, சம்பிரதாய ஆராதனை, இறைநாமஸ்மரணை, தியானம், விரதம் போன்றவை இன்றியமையாத ‘’ முயற்சிகள்’’ ஆகும். நற்சிந்தனைகளான, சிறந்த பகுத்தறிவிற்கான பிரார்த்தனை, பிறருக்கு சேவை செய்வதற்கான அதிகமான வாய்ப்பு போன்றவை, உங்களுக்குப் பெரிதும் உதவும் ! மெதுவாகவும், சீராகவும் உங்களது மனதைத் தூய்மைப் படுத்தி,புத்தியை கூர்மையாக்கி, புலன்களை பரிசுத்தப் படுத்துங்கள்; நீங்கள் இறை அருளைப் பெறுவீர்கள் , உங்கள் மத்தியில் உள்ள வயோதிகர்கள் மற்றும் நோயாளிகளை சற்று தனிப்பட்ட அக்கறையுடன் நடத்துங்கள். உங்களில் இளமையாகவும், வலிமையாகவும் இருப்பவர்கள், அவர்களுக்கு பரிவு காட்டி, அவர்களது தகுதிக்கு ஏற்ற வாய்ப்புக்களை அளியுங்கள். உங்களுக்காக என அறிவுறுத்தப் பட்ட கட்டுப் பாட்டு விதிகளைக் கடைப்பிடித்து, பயனடையுங்கள் ! ப்ரேமையினால் உந்தப் பட்டு, நீங்கள் இறைவனிடம் வந்துள்ளீர்கள்; அதை அயர்வின்றி வளர்த்துக் கொண்டு, அந்த ப்ரேமையில் வாழுங்கள்.