உங்களைச் சுற்றி இருக்கும் பலரை , மரணம் இட்டுச் செல்வதை நீங்கள் காண்கிறீர்கள்; ஆனால், அது உங்களுக்கு என்று வரும் போது, அதை அமைதியாகவும், தைரியமாகவும், சந்தோஷமாகவும் எதிர் கொள்வதற்கு, நீங்கள் பயிற்சி எடுத்துக் கொள்வதில்லை. பெரும்பாலானவர்கள், பகுத்தறிவு மற்றும் பற்றின்மையை ஓரளவு அவ்வப்போது காண்கிறார்கள்; ஆனால், அவற்றின் அழைப்பை விரைவில் மறந்து, அவற்றை அலட்சியப் படுத்தவோ அல்லது அத்து மீறல்களால் மூடி மறைக்கவோ செய்கிறார்கள். ஒரு அடி முன் வைத்தால், ஒரு அடி பின் சென்று விடுகிறது – இந்தப் பயணம் அவர்களை வெகு தூரம் இட்டுச் செல்வதில்லை.சிலர் ஆன்மீக சாதனைகளை மேற்கொண்டாலும், அதில் ஸ்திரத் தன்மை இருப்பதில்லை. எவ்வாறு ஒரு நூல்கண்டு, பிடிப்பு உறுதியாக இல்லாததால், கையிலிருந்து நழுவி தரையில் விழுந்து பிரிந்து விடுகிறதோ, ஆன்மீக சாதனைப் பயிற்சிகளும் தேய்ந்து மறைந்து விடுகின்றன. எல்லாவற்றையும் போலவே, சீரான முயற்சியே, இதிலும் வெற்றியைத் தரும். மனக்கட்டுப்பாட்டில், விரைவான வெற்றியை நீங்கள் எவ்வாறு எதிர் பார்க்க முடியும்? அதன் ஊசலாட்டங்களை வெல்வது கடினமே; ஏனெனில் அது பலதரப்பட்டதும், மிகவும் பிடிவாதமானதும் ஆகும். சீரான விடாமுயற்சியே உங்கள் மனதை அடக்கி ஆள முடியும்;இப்படிப் பட்ட ஒரு கட்டுப் படுத்தப் பட்ட மனத்தின் மூலமே, நீங்கள் இறைவனை ,அனுபவிக்க முடியும்.