சாஸ்வதமான ஆனந்தத்தை அருளும் ராமனான, ஆத்மா ராமன் உங்கள் இதயத்தில் இருக்கிறான். எனவே, உங்களது இதயத் தாமரையை மலர வைக்கும் ஆதவனான, அவனது திருநாமத்தைத் திரும்பத் திரும்பக் கூறுங்கள். ஸ்ரீராமன் தசரத மஹாராஜனின் புதல்வன் அல்ல, உங்களது பத்து இந்திரியங்களை ( தசேந்திரியாஸ்) ஆளுபவரின் புதல்வன். ஸ்ரீராம நாமஸ்மரணை, சுவாசிப்பதைப் போல, தானாகவும், அடிக்கடியும், இன்றியமையாததாகவும் இருக்க வேண்டும். ராம என்பதன் மூல எழுத்துக்கள் சிவ மற்றும் நாராயண மந்திரங்களிலிருந்து வந்தவை; அதாவது, அவை இரண்டின் இரண்டாவது அக்ஷரங்களிலிருந்து தொகுக்கப் பட்டவை – நா-ரா-யண மற்றும் ந-ம-சிவாய. ஸ்ரீராம நாமம் உங்களுக்குத் தேவையான சக்தியையும், அனைத்து ஆன்மீக முதலீட்டுகளையும் உங்களுக்கு அளிக்கிறது. அதற்கு ஒரு ரூபமும் உண்டு; நாமத்தை உச்சரிக்கும் போது, அதன் ரூபத்தையும் நீங்கள் உருவகப் படுத்திக் கொள்ள வேண்டும்; பின்னர் அந்த நாமம் உறுதி பெற்று, அதை நினைவு கூறுவது எளிதாகி விடும், எப்போதும், அந்த ரூபத்தில் திளைத்த நாமத்துடன் வாழுங்கள். பின்னர் வாழ்க்கையே இடையறாத ஒரு இறை வழிபாடாக ஆகி விடும்.