எப்போது ஒரு அசுரனின் குணங்கள், ஒரு நரனுள் ( மனிதன்) புகுந்து கொள்கின்றனவோ , அப்போது அவன் நரகாசுரனாகி விடுகிறான். இப்படிப் பட்ட ஒரு மனிதனிடம் நீங்கள் கெட்ட குணங்களையும், தீய உணர்வுகளையும் தான் காண்பீர்கள். இப்படிப் பட்ட ஒருவன், ஆன்றோர்களின் நட்பு வட்டத்தில் சேருவதுமில்லை, இறைவனை அடைவதற்கான முயற்சிகளை மேற்கொள்ளுவதும் இல்லை; மாறாக தீயவர்களுடன் நட்பு கொள்வான். இத்தகைய மனப்பாங்கு பல ஜன்மங்களில் ஆற்றிய தீய செயல்களின் விளைவே.ராவணன், ஸ்ரீராமரைப் போல, அனைத்து விதமான அறிவையும் பெற்றிருந்தான். ஆனால், ஸ்ரீராமரைப் போல அல்லாது, அவன் தீயவர்களுடன் சேர்ந்து, தீய எண்ணங்களைக் கொண்டு,தீய செயல்களில் ஈடுபட்டான். எனவே தான், மனிதர்கள் ஸ்ரீராமரை மதிக்கவும், ராவணனை வெறுக்கவும் செய்கிறார்கள். ஒருவர் போற்றப் படுவதும், தூற்றப் படுவதும் அவரது நடத்தையைப் பொறுத்தே. எவரும் , ஒரு சுய நலமான வாழ்க்கையை நடத்தக் கூடாது என்பதை நினைவில் கொள்ளுங்கள். எங்கெல்லாம் ஒரு நல்ல காரியம் நடக்கிறதோ, ஒரு பிரார்த்தனைக் கூட்டம் நடக்கிறதோ , அவற்றில் உற்சாகத்துடன் கலந்து கொள்ளுங்கள். ‘’ தீயவர்களின் நட்பை விடுத்து, நல்லவர்களுடன் சேர்ந்து, அல்லும் , பகலும் புண்யமான காரியங்களைச் செய்யுங்கள் ‘’ என மறைநூல்கள் நமக்கு வழி காட்டுகின்றன.